Паҳлавони тоҷик Комроншоҳи Устопириён дар мусобиқаи кушодаи дзюдои Аврупо дар Лаҳистон мақоми панҷумро касб кард.
Комроншоҳи Устопириён, паҳлавони тоҷик, дар мусобиқаи кушодаи дзюдои Аврупо, ки рӯзҳои 28 феврал – 1 март дар пойтахти Лаҳистон — Варшава баргузор шуд, соҳиби мақоми панҷум шуд. Ин мусобиқа танҳо байни мардон дар 7 вазн сурат гирифт. Дар рӯзи аввали мусобиқа паҳлавонон дар се вазн ва дар дар рӯзи дувум, дар чаҳор вазн қувваозмоӣ карданд. Комроншоҳи Устопириён дар рақобатҳо дар вазни зери 90 кило дар даври аввал озод буд. Дар даврҳои баъдӣ вай бар се рақибаш пирӯз гардид. Вале сипас паҳлавони тоҷик аз Патрик Сиечомски ва барои медали биринҷӣ аз Каролис Бауза мағлуб гашт ва дар натиҷа дар ҷойи панҷум қарор гирифт.Гуфта мешавад, ки дар ин мусобиқаи байналмилалӣ 255 варзишгар аз 38 кишвари ҷаҳон ширкат карданд. Минҷумла аз кишварҳои собиқи шӯравӣ варзишгарони 12 ҷумҳурӣ иштирок доштанд. Дар ин бора ozodi.org хабар медиҳад.
Нет комментариев