Консерти хайриявии Ҷонибек дар Куруди Айнӣ (зодгоҳи падараш)

0
454 просмотров

Давоми як ҳафтаи охир сарояндаи радаи аввали шоу-бизнеси тоҷик Ҷонибек Муродов дар зодгоҳи падараш — сарояндаи ретрои тоҷик — Ҷӯрабек Муродов, деҳаи Куруди ноҳияи Айнӣ қарор дорад. Ба гуфти манбаъ — Tajikistantimes.tj мақсади сафари Ҷонибек Муродов пешниҳоди консерт барои ҳамдеҳагонаш мебошад.

Ҷонибек дар Курӯди Айнӣ

«Инак тӯли се рӯз аст, ки Ҷонибек дар гӯшаҳои гуногуни ин минтақаи дурдасти кишвар барои мардуми Куруд консерти ройгон дода истодааст. Мақсади Ҷонибек аз он иборат аст, ки  мардуми ин минтақаи аз марказ дурро бо навгониҳои санъат ошно намояд ва ба ин васила эшонро ба суруду мусиқии асил боз ҳам наздиктар созад».

Ҷонибек Муродов

Манбаъ ҳамчунин афзуд, ки ҷаноби Муродов дар ин сафар хатнатуйи чанд писарбачаҳоро аз оилаи камбизоат гузаронида, аз ҳисоби даромади ширкати оилавиашон «JM» ба ин кӯдакон ҳадяҳои тӯёна низ тақдим шуд».

Мавриди зикр аст, ки ба роҳ мондани чунин иқдомҳои хайрхоҳонаву нек аз ҷониби Ҷонибек Муродов аввалин маротиба набуда, мавсуф ҳар сол дар шаҳрҳои гуногуни вилояти Суғд консертҳои хайриявӣ гузаронида, пули онро ба кӯдакони маъюбу бепарастор ё ашхоси ниёзманд тақдим мекунад. Ҳамчунин, мавсуф соле аз 1 то 3 нафар фарзандони болаёқати оилаҳои бесаробонро ба хориҷи кишвар, хусусан ба Амрико барои таҳсил мефиристад.

Ҷонибек Муродов-3

Аммо ин аввалин консерти Ҷонибек Муродов дар зодгоҳи падараш — Куруд мебошад ва ба гуфти шоҳидон ва сокинони Куруд онҳо бори аввал «ба серӣ» Ҷонибекро дар ин минтақаи аз Душанбе дур мебинанд.

 

Бибии Муродгул, ки синнаш аз 75 болост мегӯяд, ки «аз ин пеш Ҷонибекро мо танҳо дар қартаҳо (дискҳо) медидем ва гӯш мекардем. Ҳамеша фахр мекардем, ки аз Куруди кӯҳистони мо додарамон Ҷӯрабек баромада, Артисти Халқии СССР шуд, имрӯз бошад, писарашро ҳама мешиносанд. Ин фахри мо курудиҳост, ки фарзанди кӯҳистони мо шӯҳратёри олам аст».

Ҷонибек Муродов-2

Бархе аз сокинони Куруд то замони дар ин деҳа консерт додани Ҷонибек ӯро ҳавобаланд мепиндоштанд, аммо баъди ин иқдом «Одами бад набудааст, баръакс дилсофу дасткушод» гуфтанд, дар сӯҳбат бо хабарнигори  Tajikistantimes.tj.

Манбаъ: http://pressa.tj/

Нет комментариев

Также рекомендуем