Лайма Вайкуле Ҷонибекро ба ҷашнвораи байналмилалӣ даъват кард

0
1 171 просмотров

Ҳунарманди тоҷик ба овозхони машҳур барои даъват ва дастгириаш изҳори миннатдорӣ кардааст.

Сарояндаи тоҷик Ҷонибек Муродовро ҳунарманди  машҳури латиштабор Лайма Вайкуле ба ҷашнвораи байналмилалии  «Лайма. Рандеву. Юрмала — 2018» даъват кардааст. Дар ин бора худи Ҷонибек Муродов дар саҳифаи фейсбукиаш хабар медиҳад.

«Дӯстони азиз! Ба Шумо хушхабареро расонидан мехоҳам. Маро ба муҳимтарин маросими мусиқии тобистон ҷашнвораи «Лайма. Рандеву. Юрмала — 2018″. даъват карданд»,- менависад вай.

Ҷонибек Муродов ба Лайма Вайкуле барои дастгирӣ ва даъваташ изҳори минннатдорӣ баён кардааст.

«Барои ман ширкат дар ин ҷашнвораи бузург ифтихор аст, ба хонум Лайма Вайкуле барои дастгириҳояш изҳори миннатдорӣ баён мекунам»,- менависад вай.

Картинки по запросу лайма рандеву юрмала 2017

Ҷашнвораи байналмилалии «Лайма. Рандеву. Юрмала» бори аввал соли 2015 ташкил карда шуд. Ба нақша гирифта шудааст, ки имсол дар доираи ин ҷашнвора 4 барномаи консертӣ баргузор шавад, ки дар он ҳунармандон аз Русия, Латвия, Украина, Гурҷистон ва дигар кишварҳо ширкат хоҳанд варзид.

Ҷашнвора бевосита аз ҷониби Лайма Вайкуле ташкил шудааст ва ин ҳунарманд шахсан овозхонҳоро барои иштирок дар он аз кишварҳои гуногун даъват мекунад.

Имсол «Лайма. Рандеву. Юрмала — 2018» дар толори «Дзинтари»-и шаҳри Юрмала (Латвия) аз 19 то 22 июл баргузор мешавад.

 

Нет комментариев

Также рекомендуем

Мулоқот бо вакилони Ассамблеяи парлумонии Созмони Аҳдномаи Атлантикаи Шимолӣ

Дирӯз Президенти кишвар Эмомалӣ Раҳмон як гурӯҳ вакилони Ассамблеяи парлумонии Созмони Аҳдномаи Атлантикаи Шимолиро ба ҳузур пазируфт. Дар мулоқот масоили ҳамкорӣ бо Созмони Аҳдномаи Атлантикаи ...