Levi’s ва Google камзӯли «доно» бароварданд

0
576 просмотров

Истеҳсолгари либоси Levi’s бо иштироки шӯъбаи коркардҳои  инноватсионии Advanced Technology and Projects (ATAP), ки ба ҳайъати Google шомил аст, смарт-камзӯлро бо функтсияи зангҳо ва навигатсияҳо, фиристодашавии СМС ва идоракунии мусиқӣ дар смартфон аз истеҳсол баровард.

Асоси дастгоҳ, ки чун камзӯли муқаррарии абрешимӣ менамояд, аз  Jacquard иборат мебошад, ки он аз тарафи муҳандисони ATAP коркард шудааст. Ин пойгаҳи махсус барои либоси «доно» мебошад. Ин гуна матоъ чун тач-сенсор кор мекунад. Он имову ишораро мешиносад ва кифоя аст, ки дастро аз болои ҷойи ҳассос аз тарафи чапи  мағзии камзӯл, дар самти муайян гузаронед ё ду маротиба ба он ҷо даст расонед.

Электроникае, чун остин дӯхта шудааст, аз рӯйи алоқаи беноқил бо iPhone 6 ва моделҳои смартфони нисбатан охирони Apple (ба iOS 10 ва аз ин боло) пайваст мешавад. Камзӯлро дар мошинаи ҷомашӯӣ бе тарсу ҳарос шустан мумкин аст, вале «ҳамён»-и Bluetooth-передатчикро пешакӣ аз камзӯл ҷудо карда гирифтан даркор аст.

Камзӯли донои Commuter Trucker Jacket барои аҳолии шаҳр, аксбардорон, дучархаронҳо ва дигар ҳаваскорон пешбинӣ гардидааст. Он давассути имову ишора барои идора кардани мусиқиҳои «айфон» ва дастгоҳҳои  Android (ки Apple Music, Spotify, Google Play Music, Amazon Music-ро дастгирӣ менамояд) имконият медиҳад, ба зангҳои телефонӣ ҷавоб медиҳад, самти ҳаракатро ба қайд гирифта, аз паи огоҳиномаҳо назорат мебарад.

Нархи смарт-камзӯли донои Commuter Trucker Jacket 350 доллар мебошад.

 

Нет комментариев

Также рекомендуем

Маълумотҳои ҷолиб аз ҳар гӯша — 2

Баъди тавлид ҳам дар кӯдакон айнакҳои зону вуҷуд надоранд, онҳо дар синни 2-5 солагӣ пайдо мешаванд. Дар Бразилия нонхӯракҳое зиндагӣ мекунанд, ки мижаи одамро мехӯрад. ...