Либоси тоҷикӣ дар СММ «беҳтарин» дониста шуд

0
948 просмотров

Шаҳнози Эроншоҳ

Шаҳноз Эроншо, намояндаи Тоҷикистон дар озмуни “Шоистатарин духтари СММ-2016” аз рӯи намуди «Беҳтарин либоси миллӣ» баранда эълон шуд.

Вай мегӯяд, тоқии гулдӯзиро хоҳараш аз Тоҷикистон фиристода ва камзӯли бахмали зардӯзиро дар Амрико таҳия кардаанд.

Дар озмуни “Шоистатарин духтари СММ-2016”, ки шоми 12 август дар шаҳри Солтлейк ситии иёлати Ютаи Амрико баргузор шуд, барои тоҷи маликаи зебоӣ 16 номзад мубориза бурда ва намояндаи Итолиё барандаи ҷоизаи аслии он гардидааст.

Шаҳнози Эроншоҳ-3

Ба гуфтаи Шаҳноз, либоси миллии вайро, ки барандаи озмуни “Беҳтарин либоси миллӣ” эътироф шудааст, Заррина — як дизайнери тоҷик дар Ню-Йорк таҳия кардааст.

Дар бахши “парад” баъдан Шаҳноз парчами миллии Тоҷикистонро алвонҷ дода аз саҳна гузаштааст. Вай афзуд, аз муаррифӣ кардани Тоҷикистон дар ин озмун бисёр сарфароз ва ба ҳамаи онҳое, ки аз ӯ тарафдорӣ кардаанд, сипосгузор аст.

Шаҳнози Эроншо соли ҷорӣ аз рӯи ихтисоси равобити байналмилалӣ коллеҷи шаҳри Ню-Йорк (City College of New York)-ро хатм кардааст. Ӯ зодаи шаҳри Душанбе буда, бо аҳли хонаводааш дар дусолагӣ ба Русия кӯчидаанд ва 18 сол мешавад дар ИМА зиндагӣ мекунад. Чанде қабл таҳти унвони «Тоҷикдухтар «Мисс ООН-2016″ мешавад?» дар сомонаҳо маводе интишор гардида буд.

Шаҳнози Эроншоҳ-2

Дар он аз  ҷумла гуфта шудааст, ки тоҷикдухтар Шаҳноз Эроншо ба даври ниҳоии озмуни «Мисс ООН-2016» чун намояндаи Тоҷикистон роҳхат гирифтааст. Натиҷаи ниҳоии ин озмун, санаи 12-уми август дар шаҳри Ню-Йорк маълум хоҳад шуд. Аз эҳтимол дур нест, ки соҳиби шоҳҷоиза гардад.

Боке не, ин ҷоиза низ барои Тоҷикистону тоҷикистониён мукофоти олӣ маҳсуб мешавад.

Тоҷикдухтар Шаҳноз Эроншоро аз номи кулли хонандагони сомона таҳният менамоем!

Манбаъ: http://www.centralasian.org/

Нет комментариев

Также рекомендуем

Особенности ухода за кожей рук летом

Уход за кожей рук летом отличается особой интенсивностью и тщательностью. Косметологами доказано, что в летние месяцы руки в основном и стареют. Для того, чтобы руки ...