Либосро интихоб мекунем

0
797 просмотров

Мегӯянд, ки бо ягон кас оид ба ранг ва табъ  баҳс намудан лозим нест.  Равоншиносон мегӯянд, либосе, ки мо ба бар мекунем, бисёр чӣ гунагии шахсияти моро ифода карда метавонистааст. Аз рӯи ранги либос оид ба саломатӣ, тафаккур ва хислати инсонӣ хулоса баровардани мумкин будааст. Он хислате, ки мо дар ботини худ тарбия мекунем, дар ранги либоси мо таҷассум меёфтааст. Бархе касон ранги либоси худро аз рӯи ранги чашмон, ранги пӯст ва мӯй интихоб мекунанд. Мутахассис  оид ба интихоби ранги либос Йоханнес Литтени олмонӣ одамонро ба ду гурӯҳ аз рӯи обуранги табиӣ ба мавсимӣ ҷудо кардааст. Баҳор ва тобистон, инчунин тирамоҳ ва зимистон. Аз ин Шумо метавонед муайян созед, ки ба кадом фасли сол тааллуқ доред. Масалан, одамони баҳорӣ одатан ранги пӯсташон гулобӣ ва сабзина мешаванд ё чашмони кабуд ва ё сабз доранд. Ин гуна одамон мӯйҳои тиллоранги тобон ва ё ҷигарранг доранд. Ба ин тоифа одамон либосҳои равшан, гулобиранг, сабзтоби равшан ва ё зардчатоб хос аст.

Одамони тобистона бошанд, ранги пӯсти сафед доранду ранги чашмонашон кабути равшан  аст. Ба ин гуна шахсон  ранги либоси кабуд ва гулобӣ хос аст. Ҷилои одамони тирамоҳӣ шабеҳи ин фасл ҳастанд, яъне ҷигарранг ва тиллоранг. Одамоне, ки бештар либоси осмонранг ба бар мекунанд, эҳсосӣ ва дорои тахаюлоти рангин ҳастанд. Шахсоне, ки ранги либоси нилобӣ мепӯшанд, мустақил ва соҳибхирад ҳастанд. Ин зумра одамон ҳамеша ба оромӣ кӯшиш доранд.

Ранги зард хоси шахсиятҳои наҷиб аст. Ин гуна одамон тарзи ҳаёти фаъолона доранд. Инҳо асосан одамоне ҳастанд, ки ҳамеша хушбахтиро ҷустуҷӯ доранд ва ҳамеша дар мадди назар қарор доранд.

Шахсоне, ки ба ранги сурх иштиёқ доранд, одамоне ҳастанд, ки зуд ба шӯр меоянд ва хеле мағруранд. Ин сифатҳо ба лидерон хос аст.

Шумо ба кадом намуди ин ашхосон шомил ҳастед, худ муайян созед ва дар интихоби ранги либос ба худ роҳнамое пайдо мекунед. Баъди аз кор баргаштан, даррав ба иҷрои корҳои хона напардозед.

Нет комментариев

Также рекомендуем

Ежесекундно на Нурекской ГЭС сбрасывается до 900 м³ воды

В Душанбе продолжается Международная конференция высокого уровня, которая даст старт Международному десятилетию действий «Вода для устойчивого развития, 2018 – 2028». Нурекская ГЭС — крупнейшая гидроэлектростанция ...