Линзаи бионикӣ: импланте, ки қобилияти бинишро бармегардонад

0
340 просмотров

Ширкати канадагии Ocumetics Technology Corporation айни замон дастгоҳи Bionic Lens-ро, ки ҷойи айнакҳо ва линзаҳои шишагини даврашаклро мегиранд, аз санҷиш гузаронида истодааст. Зимнан линзаи бионикиро аллакай аз ҳозир фармоиш додан мумкин аст.

Bionic Lens — ин як намуди импланте мебошад, ки рӯйи чашмро мепӯшонад. Технолдогияи тарзи «шинонидан»-и ин имлант, ки аз ҷарроҳии шинонидани чашми сунъии шишагин ягон фарқияте надорад, аллакай коркард шудааст. Пас аз шинонидан линза ҳамагуна нуқсу камбудиҳои чашмро, ки бо зарарёбии пардаи тунуки дарунии чашм вобастагӣ надоранд, баратараф мекунад. Ҳамин тавр, Bionic Lens монанди як линзаи «динамикӣ» мебошад ва он ба қисмати дарунии чашм шинонида мешавад, ки дар ҳолати тағйирёбии кори чашм қобилияти мустақилона кор карданро дорад. Кори мустақилонаи Bionic Lens аз ҳисоби кори мушакҳои мижгон ва пардаи рагҳои марказии чашм муттаҳид шудан ба амал меояд ва он барои дида тавонистани масофаи гуногун нимконият медиҳад. Чуноне коркардчиён қайд мекунанд, хусусияти хоси  Bionic Lens дар он будааст, ки масофаи биноии ин линза нисбат ба линзаи муқаррарии оддӣ хеле васеъ будааст. Барои кори линзаи бионикӣ бошад, 100 маротиба камтар қувва сарф мешудааст. Яъне мушаке, ки кори линзаро идора мекунад, қариб ки хаста намешудааст.

Вале ин ҳоло ниҳояти кор нест! Бо истифода аз Bionic Lens инсон бе ягон зараррасонӣ ба чашм метавонад ашёҳои калонро ба монанди автомобил аз масофаи 30 метр дурӣ озодона бубинад. Мувофиқи суханони коркардчиён, агар ангушти худро диданӣ бошед, рахҳои хурди ангуштро, ки аломату изи ангуштонро талкиш медиҳанд, аз ҳамдигараш фарқ карда метавонед. Дар оянда имплантро тағйир додан мумкин аст. Масалан, тасвирро ба экрани берунаи дастгоҳ баровардан. Чуноне, ки роҳбари лоиҳа ва кашфиётчии Bionic Lens Гарт Уэбб мегӯяд, «айни замон ягона камбудии линза ин мавҷуд набудани он мебошад. Зеро он ба соҳиби худ афзалияти бештар бахшида метавонад. Агар ҷиддан гӯем, линзаи бионикӣ доруи табобатии касалиҳои чашм ба шумор намеравад. Он инсонро аз далтонизм (иллати чашме, ки рангҳоро фарқ карда наметавонад), миопатия (вайроншавии кори бофтаҳои чашм), касилиҳои пардаи чашм ва зарарёбии асаби чашм наҷот дода наметавонад. Аммо одамони наздикбин ва дурбинро ин линза ба ҳамешагӣ аз айнакҳо ва линзаҳои муқаррарӣ озод мекунад, ки онро бе ҷарроҳиҳои душвор шинонидан мумкин аст».

Агар Вionic Lens аз санҷиши клиникавӣ бомуваффақият гузарад, дар давоми ду соли наздик он барои ҷарроҳон дастрас мегардад. Нархи як донаи ин дастгоҳ 3200 долларов мебошад. Хароҷот барои амалиёти ҷарроҳӣ ба арзиши дастгоҳ алоқамандӣ надорад.

Нет комментариев

Также рекомендуем

Овоза: Apple iPhone 7-и сап-сафед мебарорад

Талаботи ҳангомавӣ ба iPhone 7-и бо ранги сиёҳи ҷилонок ороишдодашуда (Jet Black) ширкати Apple-ро барои дар ранги сафед аз истеҳсол баровардани як қатор намуди смартфонҳо, ...