Лоиҳа барои баланд бардоштани маърифати экологии шаҳрвандон равона гардидааст

0
948 просмотров

Муаррифии Лоиҳаи “Харитаи экологӣ”-и шаҳри Хуҷанд ва вохӯрии гурӯҳи корӣ ин навбат дар Мактаби хусусии “Ирфон” баргузор гардид.

img_9260

Дар он бештар аз 100 нафар омӯзгорону хонандагони таълимгоҳ иштирок намуданд.

img_9252

Пас аз сухани ифтитоҳии Директори мактаб Матлуба Собирова лоиҳа барои ҷамъомадагон ба таври муфассал ва ҳамаҷониба муаррифӣ карда шуд. Зикр гардид, ки беш аз як моҳ аст лоиҳа дар амал татбиқ шуда истодааст. Ҳадафи асосии он – ҳамкории ВАО бо аҳолӣ ва сохтору идораҳои дахлдори шаҳр мебошад, ки он барои иттилоотонии саривақтии шаҳрвандон ва тарбияи экологии насли наврас ва ҷавонон мусоидат хоҳад кард.

img_9263

Мақсади дигари лоиҳа ин огоҳии иттилоотӣ ва баланд бардоштани маърифати экологии шаҳрвандон, бахусус ҷавонон ва насли наврас мебошад. Аз ин хотир вохӯрии гурӯҳи корӣ ва муаррифии лоиҳа маҳз дар мактабҳои миёна низ доир шуда истодаанд.

Зикр гардид, ки дар харитаи экологӣ қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ ва ҳоҷатхонаҳои ҷамъиятии шаҳри Хуҷанд ба таври возеҳ нишон дода шудаанд.

img_9257

Дар қатори шаҳрвандони синну сол ва касбу кори гуногун омӯзгорону хонандагони мактаб низ метавонанд аксҳои гирифтаи худро аз мавҷуд будани партов дар маҳалли зист ва кӯчаву хиёбонҳои шаҳр, тавассути Вотсапп (Whatsapp) ва ё Вайбер ба рақами 92-882-66-66 ирсол намоянд. Иштирокчиёни фаъолро тӯҳфаҳои махсус интизоранд.

img_9258

Ҳангоми муаррифии лоиҳа гуфта шуд, ки мӯҳлати давомнокии марҳилаи аввали он 3 моҳ буда, дар лоиҳа 10 маҳаллаи шаҳри Хуҷанд: Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мавриди таҷрибаю санҷиш қарор мегиранд.

img_9267

Дар қисми дуюми вохӯрӣ байни гурӯҳи корӣ ва устодону толибилмон дар мавзӯҳои тарзу усули гирифтан ва фиристодани аксҳо, ба навъҳо ҷудо намудани партов саволу ҷавоб сурат гирифт.

img_9254

Ҳамин тавр, муаррифии Лоиҳаи мултимедиявии “Харитаи экологӣ”-и шаҳри Хуҷанд хотирмон ва барои иштирокчиён – омӯзгорону хонандагони Мактаби хусусии “Ирфон” муфид ва ҷолиб гузашт.

                                                      Гурӯҳи кории Лоиҳаи “Харитаи экологӣ”       

Нет комментариев

Также рекомендуем