Лоиҳаи “Харитаи экологӣ”-и шаҳри Хуҷанд саривақтӣ ва муҳим аст

0
470 просмотров

Дар Муассисаи таҳсилоти миёнаи умумии рақами 21-уми шаҳри Хуҷанд барои омӯзгорону хонандагон Лоиҳаи мултимедиявии “Харитаи экологӣ”-и шаҳри Хуҷанд муаррифӣ карда шуд.

img_9177

Дар он бештар аз 150 нафар таълимдиҳандагону таълимгирандагони мактаб иштирок намуданд.

img_9167

Зикр гардид, ки як моҳ мешавад лоиҳа дар амал татбиқ шуда истодааст. Ҳадафи асосии лоиҳа – ҳамкории ВАО бо аҳолӣ ва сохтору идораҳои дахлдори Мақомоти иҷроияи ҳокимияти давлатии шаҳр мебошад, ки он барои иттилоотонии саривақтии шаҳрвандон ва тарбияи экологии насли наврас ва ҷавонон мусоидат хоҳад кард.

img_9166

Ҳамзамон, огоҳии иттилоотӣ ва баланд бардоштани маърифати экологии шаҳрвандон, бахусус ҷавонон ва насли наврас аз мақсадҳои асосии лоиҳа маҳсуб мешавад. Ин аст, ки мулоқоту вохӯриҳои гӯрӯҳи корӣ ва муаррифии лоиҳа маҳз дар мактабҳои миёна доир шуда истодаанд.

img_9174

Гуфта шуд, ки дар харитаи экологӣ қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ ва ҳоҷатхонаҳои ҷамъиятии шаҳри Хуҷанд ба таври возеҳ нишон дода шудаанд.

img_9168

Зимни муаррифӣ қайд гардид, ки мӯҳлати давомнокии марҳилаи аввали лоиҳа 3 моҳ буда, дар он 10 маҳаллаи шаҳри Хуҷанд: Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мавриди таҷрибаю санҷиш қарор мегиранд.


img_9171

Шаҳрвандони фаъол, бахусус мактабхонони синну соли гуногун дар амалишавии лоиҳаи “Харитаи экологӣ”-и шаҳри Хуҷанд саҳми арзандаи хешро гузошта метавонанд. Барои ин онҳо метавонанд аксҳои бо таҷҳизоти мобилии худ гирифтаашонро вобаста ба мавҷудияти партов дар кӯчаҳо ва маҳаллаҳои ҷои зист, тавассути Вотсапп (Whatsapp) ва ё Вайбер ба рақами 92-882-66-66 ирсол намоянд. Иштирокчиёни фаъолро тӯҳфаҳои арзанда интизор аст!

img_9180

Дар қисми дуюми вохӯрӣ байни гурӯҳи корӣ ва устодону толибилмон дар мавзӯи тарзу усули гирифтан ва фиристодани аксҳо саволу ҷавоб сурат гирифт.

img_9170

Ҳамин тариқ, муаррифии Лоиҳаи мултимедиявии “Харитаи экологӣ”-и Хуҷанд ҷолиб ва барои иштирокдорон – устодону хонандагони Муассисаи таҳсилоти миёнаи умумии рақами 21-уми шаҳри Хуҷанд манфиатовар ва хотирмон гузашт.

                                          Гурӯҳи кории Лоиҳаи “Харитаи экологӣ”       

Нет комментариев

Также рекомендуем