Тибқи қарори Раиси шаҳри Хуҷанд Маъруф Муҳаммадзода озмуни “Дастархонороӣ” дар тарабхонаи “Анситу” бо иштироки 22 маҳаллаи шаҳр ташкил ва гузаронида шуд.
Дар озмун 22 маҳаллаи шаҳр бо оростани дастархонҳои идона номгӯйи анвои хӯрокаи худро манзури ҳайати ҳакамот намуданд. Доварон зимни баҳогузорӣ ба иштирокдорони озмун бештар ба истифодаи сарфарокорнаю моҳиронаи дастархон, зебо, хушоянд ва дилписанд будани дастархон, риояи анъанаҳои миллӣ дар дастархони оросташуда, мавҷудияти таомҳои миллӣ дар дастархони оросташуда, ба замона мутобиқ кардани дастархони оросташуда, камхарҷии он, истифодаи маҳсулотҳои ватанӣ ва ғайра эътибор дода, баҳогузорӣ намуданд.
Фирӯза Нуруллозода, муовини Раиси шаҳри Хуҷанд зимни натиҷагирӣ аз озмун таъкид дошт, ки озмуни мазкур бо мақсади эҳё намудани таомҳои миллӣ, фарҳанги рӯзгордорӣ, бо сифати баланд ва харҷи кам оростани дастархон дар тӯю маъракаҳо ташкил ва гузаронида мешаванд.
Сипас, дар вазъияти тантанавӣ ғолибони озмуни “Дастархонороӣ” эълон гардид. Ҳамин тавр, мақоми аввалро маҳаллаи “Хуҷанд”, ҷойи дуюмро маҳаллаи “Суғдиён” ва зинаи сеюмро маҳаллаи “Тути калон” ба даст оварданд.
Ба ғолибони озмун туҳфаҳои Раиси шаҳри Хуҷанд Маъруф Муҳаммадзода тақдим карда шуд.
Санъаткорони варзидаи вилоят табъи ҳозиринро болида намуданд.
Тибқи низомномаи озмун маҳаллаи “Хуҷанд” ҳамчун ғолиб ҳуқуқи иштирок дар озмуни вилоятиро ба даст овард. Интизор меравад, ки даври вилоятии озмуни мазкур даҳаи аввали моҳи феврали соли ҷорӣ сурат гирад.
Манбаъ: Дафтари матбуоти Раиси шаҳри Хуҷанд
Нет комментариев