Маҳдудиятҳои чорабиниҳои солинавӣ дар Хуҷанд

0
1 244 просмотров

Дар ҳамаи муассисаҳои таълимиву тарбиявии ҷумҳурӣ барои таҷлили сазовори Соли нави 2018 омодагиҳо идома доранд. Вале саволе ба миён меояд, ки дар кӯдакистону мактабҳои миёна барои таҷлили Соли нав ба кадоме аз чорабиниҳо иҷозат дода шудаву чиҳо манъ карда шудаанд.

Дар асоси фармони Вазири маориф ва илми Ҷумҳурии Тоҷикистон Нуриддин Саид дар ҳамаи муассисаҳои таълимӣ ва томактабии мамлакат танҳо гузоштани арчаи солинавӣ ва гузаронидани барномаи фарҳангӣ иҷозат дода шудааст.

Тавре дар сӯҳбат ба мо мудири Шӯъбаи маорифи шаҳри Хуҷанд Илҳом Султонӣ иброз намуд, ҷамъоварии маблағ аз волидайн барои тӯҳфаҳо, ташкили нишастҳои солинавӣ бо оростани дастархони идона, маблағҷамъкунӣ барои устодону омӯзгорон ва мураббияҳо, ташкил ва гузаронидани бодабдабаи маҳфилҳои солинавӣ, хизматрасониҳои санъаткорон ва наворбардорон қатъиян манъ карда шудааст.

 

Фото со страницы в ФБ Халима Джураева

Танҳо гузаронидани чорабиниҳои солинавии фарҳангӣ дар толори муассисаҳо дар гирди арчаи орододашуда мумкин аст.

Хуб дар хотир дорем, ки солҳои пеш ҳам дар кӯдакистон ва ҳам дар мактабҳои миёна барои гузаронидани чорабиниву маҳфилҳои солинавӣ падару модарони кӯдакону хонандагон маблағҳои зиёд ҷамъ меоварданд. Бахусус, барои харидани тӯҳфахои солинавӣ ҳам барои фарзандон ва ҳам омӯзгорону мураббияҳо, ҳамчунин барои хизматрасониҳои Бобои барфиву Барфак, санъаткорон ва наворбардорон. Албатта, ба ин кор на ҳамаи волидайн имконият ва тавоноӣ доштанд.

Ҷорӣ намудани маҳдудият дар таҷлили бошукӯҳи Соли нав шояд барои аксарияти шаҳрвандон қобили қабул ва писанд омада бошад.

 Как вы считаете: стоит ли таджикам справлять Новый год?  Предлагаем принять участие в нашем опросе

(подождите, наш сервис сейчас загрузится)

 

Соли нав яке аз он идҳоест, ки онро дар сартосари ҷаҳон ҷашн мегиранд. Вале ҷашнгирии он дар байни ҳар як халқ хусусияти хосеро дорост.

Ҷашнгирии Соли нави мелодӣ аз 1 январ бо фармони император Гай Юлий Сезар соли 46 то милод дар Рими Қадим ҷорӣ шуда буд. Моҳи январ аз номи Янус – худои дурӯя, таҷассумгари дару дарвоза, интихобҳо ва нахустин корҳо гирифта шудааст.

Соли 1700 бо фармони императори рус Пётри I  Соли нав дар Русия ба монанди дигар давлатҳои Аврупо аз 1 январ (мувофиқи солшумории Юлианӣ) оғоз мегардад.

Аз соли 1919 ҷашни Соли нав мувофиқи солшумории Григорианӣ қайд карда мешавад. Аз 23 декабри соли 1947 инҷониб 1 январ рӯзи истироҳат эълон шудааст.

Дар Тоҷикистони соҳибистиқлол низ анъанаи ҷашнгирии Соли нави мелодӣ давом дорад ва 1 январ дар қаламрави ҷумҳурӣ рӯзи истироҳат аст.

Нет комментариев

Также рекомендуем

Как очистить чайник от накипи

Все люди ежедневно греют воду в чайнике, чтобы заварить чай или любой другой напиток. И каждая домохозяйка знает, что избежать неприятного налета на его стенках ...