Маҷмааи таърихӣ-фарҳангии «Истиқлол» дар шаҳри Хуҷанд ифтитоҳ шуд (аксҳо).

0
1 615 просмотров

Дар рӯзи чоруми сафари кории худ ба шаҳру ноҳияҳои вилояти Суғд дар маркази шаҳри Хуҷанд Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон Маҷмааи таърихӣ — фарҳангии “Истиқлол”-ро ифтитоҳ намуданд.

prezident-dar-iftito-i-isti-lol

Сохтмони ин иншооти таърихӣ-фарҳангӣ моҳи майи соли 2016 оғоз гардида, дар рӯзҳои таҷлили ҷашни 25 — умин солгарди Истиқлолияти давлатии Ҷумҳурии Тоҷикистон бо иштироки Пешвову Сарвари ояндасоз мӯҳтарам Эмомалӣ Раҳмон мавриди баҳрабардорӣ қарор дода шуд.

ma-maai-tarih-far-angii-isti-lol

Лоиҳаи иншооти нодир ва муҳташам, ки акнун ба макони дӯстдоштаи сайру гашт ва тамошои сокинону меҳмонони шаҳри Хуҷанд мубаддал мегардад, аз ҷониби мутахассисони Ҷамъияти дорои масъулияти маҳдуди «Суғд Гиитиз» таҳия гардидааст ва маблағи лоиҳавии он 37 миллион сомониро ташкил медиҳад.

Баландии муҷассама 58 метр буда, дар он тоҷ ва ҳафт ситораи доирашакл давр мезанад. Дар баландии 21 метри он майдончаҳо барои тамошо сохта шудааст ва дорои лифтҳои махсус мебошад.

ma-maai-tarih-far-angii-isti-lol-3

Масоҳати умумии маҷмаа 1 ҳазору 127 метри мураббаъро ташкил медиҳад. Дар таҳхонаи он толорҳои намоишӣ ва таърихию фарҳангӣ мавҷуд аст, ки дар он харитаи Ҷумҳурии Тоҷикистон ва муқаддасоту арзишҳои миллӣ ҷойгир карда шудааст. Гузаргоҳҳои зеризаминӣ барои ба толори намоишӣ пайвастани сокинон пешбинӣ шудааст.

Фармоишгари иншоот Идораи сохтмони асосии вилояти Суғд ва пудратчиён Ҷамъияти дорои масъулияти маҳдуди «Хуҷандсохтмон-1», ҶДММ«СМС», ҶДММ «Каскад» ва ҶДММ «Стройкомплекс» мебошанд.

ma-maai-tarih-far-angii-isti-lol-2

Зимни тамошо аз ин маҷмаа Сарвари давлат Эмомалӣ Раҳмон ба кори сохтмончиён, ки дар як муддати кӯтоҳ чунин як иншооти зеборо бунёд кардаанд, баҳои баланд доданд.

Манбаъ: www.president.tj

Нет комментариев

Также рекомендуем

Машварати кории Раиси вилояти Суғд

Рӯзи гузашта пас аз баргузории Иҷлосияи дуюми Маҷлиси вакилони халқи вилояти Суғд, даъвати панҷум, машварати кории Раиси вилоят бо раисони шаҳру навоҳӣ ва фаъолони вилоят ...
%d такие блоггеры, как:

Сообщить об опечатке

Текст, который будет отправлен нашим редакторам: