Мақоми сеюми човандозони тоҷик дар Остона

0
569 просмотров

Чобуксаворони мунтахаби Тоҷикистон оид ба бузкашӣ дар мусобиқоти фароҷаҳонӣ, ки дар шаҳри Остонаи Қазоқистон сурат гирифт, мақоми сеюми ифтихориро ишғол намуданд. Ин чорабинии сатҳи ҷаҳонӣ бо истилоҳи кокпар, ки муодили бузкашии тоҷикӣ мебошад, бори аввал роҳандозӣ гардид. Дар сабқат барои касби мақоми сеюм човандозони саршиноси тоҷик мунтахаби Чинро бо ҳисоби 2:1 дучори бохт гардонданд. Ёдовар мешавем, ки то расидан ба ин мақому мартабаи ифтихорӣ чобуксаворони мо мунтахабҳои тавонои Туркия, Ӯзбекистон, ИМА ва Муғулистонро шикаст доданд. Дар сабқати ниҳоӣ мунтахабҳои Қазоқистону Қирғизистон бо ҳам қувва озмуданд. Ин маърака бо ҳисоби 4:1 ба суди соҳибони замин ба поён расид. Ғолиби мусобиқа дар баробари шоҳҷоиза подошпулиро дар ҳаҷми 30 ҳазор доллари амрикоӣ моли худ намуд. Дар ин чорабинии муҳташами фароҷаҳонӣ 12 кишвар мунтахабҳои худро сафарбар гардонда буд. Мусобиқа аз 20-ум то 28-уми августи соли равон сурат гирифта, подошпулии умумии он 54 ҳазор доллари амрикоӣ хазина дошт.

 

Манбаъ: сомонаи телевизиони «Варзиш»

Нет комментариев

Также рекомендуем

Қимакабоб(котлет)и яхкардашуда

Истифодабарандагони гиромӣ, дар бахши имруза мо ба Шумо оид  ба  «котлета» , яъне қиммакабоб маълумот  додани хастем. Котлета, яъне қиммакабоб хӯриши  лазиз  асту  бешубха  мо  ...
%d такие блоггеры, как:

Сообщить об опечатке

Текст, который будет отправлен нашим редакторам: