Маъданҳои шаҳдараит ва ҳасановит дар ҷаҳон бори аввал дар Тоҷикистон кашф шуданд

0
220 просмотров

Дар ҷаҳон бори аввал дар  ҳудуди Тоҷикистон мавҷуд будани маъданҳои шаҳдараит ва ҳасановит исбот шуд, хабар медиҳад АМИТ «Ховар» бо истинод ба сомонаи www.mindat.org.

Тибқи иттилои сомонаи мазкур, ин ду маъдан, ки дар ҷаҳон маълум набуданд, бинобар пажӯҳиши олимони маъданшинос аз ҷониби Комиссияи байналмилалии маъданшиносӣ ба расмият шинохта, тасдиқ ва эътироф намуданд.

Тавре роҳбари гурӯҳи таҳлили усулҳои физикӣ-кимиёвии Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон Манучеҳр ШОДИБЕК ба хабарнигори АМИТ «Ховар» Мавҷуда АНВАРӢ хабар дод, маъдани шаҳдараит дар ноҳияи Роштқалъаи ВМКБ аз ҷониби олимони тоҷик Л. Паутов, М. Мираков, Е. Соколова, М. Дей С, Ф. Хоторн, М. Шодибеков, М. Саймудасири Маҳмадшариф, В. Карпенко ва А. Файзиев дар якҷоягӣ бо олимони Федератсияи Россия ва Канада кашф гардид. Маъдани ҳасановит дар рустои Равати ноҳияи Айнӣ ошкор карда шуда, ҷиҳати пажӯҳиши ин маъдан олимони тоҷик – М. Мираков, Л. Паутов, О. Сийдра, П. Плечов ва дигарон машғули коранд.

«Маъданҳои дастрасшуда метавонанд барои иқтисоди ҷумҳурии мо манфиати амалӣ дошта бошанд», — гуфт номбурда.

Шаҳдараит вобаста ба ҷойи пайдоиш ва  ҳасановит бо исми яке аз профессорони Донишгоҳи миллии Тоҷикистон Ҳасан Сайфуллоев, ки  дар соҳаи геология-петрография саҳми арзишманд дорад, номгузорӣ шудаанд.

Манбаъ: АМИТ «Ховар»

Нет комментариев

Также рекомендуем

Неравномерность образования и распределения водных ресурсов

[vc_row][vc_column][vc_column_text][vc_row][vc_column][vc_button title=»Ecology» target=»_self» color=»btn-info» icon=»none» size=»wpb_regularsize» href=»http://tiroz.org/ecology/»][vc_column_text] Проблемы использования водных ресурсов Хотя исчерпание запасов водных ресурсов невозможно, существуют другие проблемы: — неравномерность распределения речного стока ...

Сообщить об опечатке

Текст, который будет отправлен нашим редакторам: