Мадина Назарова ғолиби озмуни «Авто-Бону-2018» гардид

0
696 просмотров

Дар озмуни имсолаи «Авто-Бону-2018” ҷои аввалро Мадина Назарова ба даст оварда, беҳтарин бону-ронандаи Тоҷикистон эълон шуд.

Ду ҷои дуюмро Силсиламоҳ Азимова ва Муътабар Азимова соҳиб шуда ва се ҷои сеюм ба Сабзалиева Раҳима, Усмонова Барногул ва Салмонова Сураё дода шуд.

Санаи 3-юми март дар «Автодром»-и автоматикунонидашудаи ба номи А. Турсунов воқеъ дар кӯчаи Садриддин Айнии ноҳияи Шоҳмансури шаҳри Душанбе озмуни «Авто-Бону-2018” доир шуд.

Ин озмун инак 4 сол боз ҳар сол дар арафаи Иди модарон бо ибтикори БДА – раёсати Бозрасии давлатии автомобилии вазорати корҳои дохилии Тоҷикистон баргузор карда мешавад.

Генерал-майор Маҳмадсаид Борон Саидзода, муовини вазири корҳои дохилӣ гуфт, ин озмун бо ҳадафи ҷалби таваҷҷӯҳи сокинони кишвар ба масоили таъмини бехатарии ҳаракат дар роҳ, баланд бардоштани малакаи касбии Зан-ронанда ва таблиғи Қоидаҳои ҳаракат дар роҳ доир карда мешавад.

Дар озмуни «Авто-Бону-2018» беш аз 50 бонуи ронанда аз минтақаҳои мухталифи Тоҷикистон ширкат варзиданд. Довталабон аз рӯи 5 давр, аз ҷумла «Варақаи боздид» — «Ман ва автомобилам», «Донандагони Қоидаҳои ҳаракат дар роҳ», «Рондани автомобил дар Автодром», «Ёрии аввалияи тиббӣ» ва «Маҳорати кадбонугӣ» сабқат карданд.

Маркази матбуоти вазорати дохила дар гузоришаш мегӯяд: ”Барои санҷиши натиҷаҳои озмун ҳайати ҳакамон таъсис дода шуда, онҳо аз намуди ороиши автомашина то донистани қоидаҳои ҳаракат дар роҳ ва ҳунари кадбонугӣ ба иштирокчиён баҳогузорӣ намуданд. Автомашинаҳо бахшида ба «Рӯзи модар», Баҳор ва Соли рушди сайёҳӣ ва ҳунарҳои мардумӣ хеле зебо ва диққатҷалбкунанда ороиш дода шуда буданд. Бонувони ронанда аз иҷрои ҳамаи даврҳои озмун бо сарбаландӣ баромада, аз ҷониби ҳакамон ба баҳои сазовор ноил гардиданд.”

Муовини вазири дохила Маҳмадсаид Саидзода ба ғолибони озмун аз номи роҳбарияти Вазорати корҳои дохилӣ Ифтихорнома, Диплом ва тӯҳфаҳои арзишнок тақдим кард.

Маҳмадсаид Саидзода бо ситоиш аз занони ронанда гуфт, занон дар пушти фармони мошин нисбат ба мардон дар роҳ қоидаҳои ҳаракатро риоя карда, кӯшиш менамоянд, ки ба қоидавайронкунӣ ҳангоми идораи воситаи нақлиёт роҳ надиҳанд.

Манбаъ: Сомонаи Тоҷикистонтаймс

Нет комментариев

Также рекомендуем

20 ЛУЧШИХ ФАСОНОВ ЮБОК ДЛЯ ПОЛНЫХ ЖЕНЩИН

Обычно полненьким рекомендуют носить те фасоны, которые зрительно стройнят. Однако не стоит забывать, что далеко не все дамы стесняются полноты и в мире есть немало ...
%d такие блоггеры, как:

Сообщить об опечатке

Текст, который будет отправлен нашим редакторам: