Мағозаи фурӯши молҳои электрикӣ мекушоем

0
352 просмотров

Инак ба шумо намуди кори мағозаи молҳои электрикиро гуфта медиҳем. Мо мағозаи молҳои электрикӣ мекушоем. Ҳар яки мо медонем, ки молҳои электрикӣ талаботи зиёд доранд ва барои хоҷагии ҳар як шахс чизи зарурӣ мебошанд. Ин молҳоро ҳангоми таъмири хона истифода мебаранд. Масалан ба мо чароғак лозим шавад ба мағозаи молҳои электрикӣ меравем. Онҳое, ки мехоҳанд мағозаи молҳои электрикиро кушоянд, чунин маслиҳат медиҳем. Аввал чун фурӯшанда ба мағозаи молҳои электрикӣ ба кор дароед. Дар мудати 6-9 моҳ кор кунед ва шумо ҳама талаботи ин мағозаро аз худ мекунед, он гоҳ метавонед натарсида мағозаи худатонро кушоед. Дар ин вақт шумо аз намудҳои гуногуни мол шиносоӣ пайдо менамоед ва бо таъминкунони калон ошно мешавед. Ҳангоми кушодани мағоза агар коратонро хуб ба роҳ мондед, шумо метавонед дар 1-1,5 сол мувафаққиятро даст оред. Барои кушодани мағозаи молҳои электрикӣ бояд ҷоеро интихоб намоед, ки аз ҷиҳати гузаргоҳи мошин осон ва куллай бошад. Инчунин мағоза бояд дар назди мағозаи мебель, молҳои хоҷагӣ, молҳои таъмири хона ва монанди инҳо ҷойгир шуда бошад. Кӯшиш кунед ҳамкориатонро бо устоҳо ва корхонаҳои барқӣ барқарор намоед. Чунки онҳо харидор ва маслиҳатчиҳои асосии шумо шуда метавонанд. Ҳангоми муроҷиати чунин мизоҷон ба онҳо каме бошад, ҳам нархатонро арзонтар кунед. Чунки онҳо харидорони доимии шумо шуда метавонанд. Савдои бисёртари шумо ба чунин мизоҷон рост меояд. Ҳангоми кушодани мағоза кӯшиш намоед ҳама ҳуҷҷатҳоятонро ба ҷо оред. Аз кумитаи андоз аз қайд гузаред. Ҳангоми ҷойгиркунии молҳо дар мағоза ба молҳои тез савдошаванда диққати ҷиддӣ диҳед. Ин молҳо дар ҷои намоён бояд бошанд. Хароҷоти асосии шумо ин иҷораи бино, ҳаққи кори кормандон, хизматрасониҳои коммуналӣ, телефон ва сӯзишворӣ аст. Кори кормандонатонро худатон назорат кунед. То боварӣ ҳосил карданатон онҳоро зери назорати ҷиддӣ гиред. Албатта ба рекламаи мағозаатон низ аҳамият диҳед. Онро бояд аз берун ба осонӣ бинанд ва пайдо намоянд. Бояд ҳама намуди молҳои электрикӣ дар мағозаатон бошад, то ҳангоми муроҷиат кардани мизоҷ шумо онро пешкаш кунед. Агар тавонед ягон устои барқчиро низ ба кор гиред. Чунки ҳангоми муроҷиат кардани харидор шумо метавонед хизматрасонии кашидани сими барқиро пешкаш намоед. Ин намуди хизматрасонӣ ба шумо даромади иловагиро меорад. Бо мактабу, беморхонаҳо ва корхонаҳо ҳамкорӣ кунед. Ба онҳо хамеша моли барқӣ лозим мешавад. Кӯшиш кунед ба нафақахӯрон нархатонро арзон кунед. Дӯстони азиз ин буд маълумоти мухтасар ва маслиҳати кӯтоҳи мо барои кушодани мағозаи молҳои электрикӣ ё барқӣ.

 

Нет комментариев

Также рекомендуем

Как избавиться от веснушек

Россыпь веснушек на лице одних девушек украшает, других заставляет испытывать психологический дискомфорт. Эффективные советы о том, как избавиться от веснушек, можно прочитать на разных тематических ...