Соли нави 2016, ки аз рӯи тақвими Шарқ соли маймун аст, дар Тоҷикистон васеъ таҷлил мешавад. Тавре ки аз Федератсияи иттифоқҳои касабаи мустақили Тоҷикистон хабар доданд, мувофиқи Қонуни ҶТ «Дар бораи рӯзҳои ид», 1 январ — рӯзи якуми соли нави 2016 рӯзи истироҳат эълон шудааст. Чун 1 январ ба рӯзи корӣ, яъне рӯзи ҷумъа рост меояд, 2 ва 3 январ (шанбе ва якшанбе) рӯзҳои муқаррарии истироҳатанд. Бинобар ин мардуми Тоҷикистон се рӯз истироҳат доранд. 4 январ рӯзи корӣ аст.

Ёдовар мешавем, ки аксарияти кишварҳо соли нави 1 январро дар рӯзи якуми сол аз рӯи тақвими григорянӣ таҷлил менамоянд. Таҷлили Соли нав бо назардошти вақти қитъавӣ ҳамеша дар уқёнуси Ором, дар ҷазираҳои Кирибати оғоз ёфта, сокинони ҷазираҳои Мидуэи уқёнуси Ором соли куҳнаро аз ҳама охирин шуда гусел менамоянд. Баъзе кишварҳо Соли навро аз рӯи солшумории қамарӣ таҷлил мекунанд. Дар ин бора агентии Ховар хабар медиҳад.