Маркази миллии тестӣ озмуни тақсимоти такрорӣ доир менамояд

0
117 просмотров

Аз 10 то 13 август дар Маркази миллии тестии назди Президенти Ҷумҳурии Тоҷикистон азнавбақайдгирӣ барои иштирок дар озмуни тақсимоти такрорӣ гузаронида мешавад. Ба довталабон тавсия дода мешавад, ки  интихоби дурусти худро ба роҳ монанд. Зеро дар давраи озмуни тақсимоти такрорӣ довталаб аз рӯи баллҳои ба дастовардааш ба гурӯҳи ихтисоси такрории интихобнамудааш номнавис карда мешавад. Марказ  ба довталабон имконият медиҳад, ки аз ихтисосҳои сеюм, чорум ва панҷум ба ихтисосҳои якум гузаранд. Зеро дар бештари ихтисосҳои якум ҷойҳои холӣ мавҷуд мебошанд. Дар ин бора директори Маркази миллии тестӣ Хуршед Икромӣ имрӯз зимни нишасти матбуотӣ ба хабарнигорон иттилоъ дод.

Хуршед Икромӣ гуфт, ки  «имсол тибқи тақсимот дар муассисаҳои таълимии таҳсилоти олии касбӣ 86 фоиз ва муассисаҳои таълимии таҳсилоти миёнаи касбӣ 51 фоиз нақшаи қабул иҷро гардид. Иҷрои нақшаи қабул аз интихоб вобастагӣ дорад. Агар довталаб он ихтисосро интихоб накунад, чи гуна онро пур карда метавонем?».

Ҳамчунин зикр гардид, ки дар ду марҳалаи бақайдгирӣ барои иштирок дар  ИМД соли равон дар заминаи таҳсилоти миёнаи умумӣ, синфи 11‑ум, ибтидоӣ ва миёнаи касбӣ ҳамагӣ 100 398 нафар довталаб аз қайд гузаштанд, ки ин шумора нисбат ба соли 2019 5624 нафар ва нисбат ба соли 2018  4579 нафар зиёд мебошад.

Аз шумораи умумии довталабони дорои таҳсилоти миёнаи умумӣ, синфи 11-ум, ибтидоӣ ва миёнаи касбии имсол номнависшуда 43365 нафарашон духтарон ва 57033 нафарашон писаронанд. Ҳарчанд аз ҷиҳати шумора духтарон имсол нисбат ба соли 2019 бештар бошанд ҳам, ҳиссаи духтарони азқайдгузашта имсол нисбат ба ҳамин нишондиҳанда дар соли 2019 2,06 фоиз кам мебошад.

Шумораи довталабони хизмати ҳарбиро дар сафи Қувваҳои Мусаллаҳи Ҷумҳурии Тоҷикистон адокарда соли равон 804 нафарро ташкил дод, ки нисбат ба ҳамин нишондиҳандаи ИМД дар соли 2019 70 нафар зиёд аст.

Хуршед Икромӣ   иброз дошт, ки дар давраи пандемия барои ташкил, баргузорӣ ва идораи имтиҳонҳо, ба ғайр аз кормандони асосии Марказ беш аз 2350 нафар кормандони муваққатии дар асоси озмун интихобгардида, ки бо онҳо шартномаи меҳнатӣ баста шуда буд, ҷалб карда шуданд. Барои назорат ва ёрии амалӣ расонидан дар омода кардани марказҳои имтиҳонӣ, назорати раванди имтиҳон дар марказҳои имтиҳонӣ ва мониторинги он, инчунин барои қабули қарори дахлдор дар сурати рух додани мушкилот 120 нафар ҳамчун намояндаи ваколатдори Марказ ба марказҳои имтиҳонӣ равона гардиданд.

Яке аз навгониҳои соли ҷорӣ вобаста ба раванди имтиҳонҳо-ин ба роҳ мондани пахши раванди имтиҳонҳо аз ҳамаи марказҳои имтиҳонӣ дар ҳолати бархат (онлайн) тавассути камераҳои назоратӣ аст. Барои ин Марказ тамоми таҷҳизоти заруриро дар ҳар як маркази имтиҳонӣ таъмин кард.

Манбаъ: АМИТ «Ховар»

Нет комментариев

Также рекомендуем

USADA назвало взлом базы данных ВАДА запугиванием невинных спортсменов

Незаконное опубликование хакерами конфиденциальной медицинской информации — это немыслимая вещь в олимпийском движении, говорится во вторник в официальном заявлении Американского антидопингового агентства (USADA). «Спортсмен не ...
%d такие блоггеры, как:

Сообщить об опечатке

Текст, который будет отправлен нашим редакторам: