Акс аз: www.arkon.tj

Дар  Кохи матбуоти шаҳри Хуҷанд бо дастгирии МИҲД вилоят ва Федератсия футболи вилоят маросими ҷоизасупорӣ барои беҳтарин дастаҳои манотиқи вилоят баргузор гардид. Дар  маросими ҷоизасупорӣ  Муовини  якуми  раиси вилоят Ҷумабой Сангинов ва муовини аввали ФФТ  дар вилояти Суғд Хуршед Ақддодов иштирок намуданд.  3 дастаи беҳтарин дастаи Исфараи шаҳри Исфара, дастаи Бонки Эсхати шаҳри Хуҷанд ва дастаи Спитамени  ноҳияи  Спитамен  бо медал, диплом ва сипосномаҳои МИҲД вилоят ва ФФТ вилоят  қадрдонӣ   карда шуданд.  Тавре    масъулини ФФТ  вилоят гуфтанд,  «Имрўз тамоми шароит барои футболбозони вилоят муҳайё буда, мо кўшиш мекунем дастаҳои беҳтарини вилоятро ба хориҷи кишвар сафарбар кунем то дастаҳои вилояти Суғд бо дастаҳои дигар давлатҳо бозиҳои дўстона анҷом дода,  ба боло бардоштани парчами давлат мушарраф гарданд”.

 Дар маросими ҷоизасупорӣ ба беҳтарин мураббии дастаҳо низ тўҳфаҳои хотиравӣ  супорида, гуфта  шуд, ки минбаъд ҳам  фаъолияти хубро нишон диҳанд. Муовини якуми раиси вилояти Суғд Ҷумабой Сангинов зимни баромад изҳор дошт, ки бо дастури раиси вилоят Абдураҳмон Қодирӣ дар шаҳри Хуҷанд мактаби махсус гардонида шудаи футбол  ва чавгон таъсис дода мешавад, ки ин  мактаб бо ҷои хоб варзишгаронро таъмин  намуда, барои ҷалби бештари ҷавонон ба варзиш мусоидат мекунад.

Дар ин бора хабарнигорамон Саодат Исмоилӣ иттилоъ медиҳад.