Маросими ҷоизасупории озмуни вилоятии ​ «Хомаи созанда-2019»

0
241 просмотров

5 феврали соли 2020 дар Кохи Суғдиёни маркази вилоят бо иштироки Раиси вилояти Суғд Раҷаббой Аҳмадзода маросими ҷоизасупории озмуни вилоятии ​ «Хомаи созанда-2019» доир шуд.

Котиби матбуотии Раиси вилояти Суғд Музаффар Юнусов дар маросими ҷоизасупорӣ иброз дошт, ки мақомоти иҷроияи ҳокимияти давлатии вилоят бахшида ба «Солҳои рушди деҳот, сайёҳӣ ва ҳунарҳои мардумӣ» ва бо мақсади дастгирии журналистон ва сари вақт хабардор кардани ҷомеа аз раванди рушду такомули соҳаҳои мухталифи хоҷагии халқ, шарҳу тавзеҳи воқеъбинона, ​ ҳамзамон ҷалби таваҷҷӯҳи аҳли ҷомеа ба масъалаҳои ҳалталаб миёни журналистон барои беҳтарин маводи журналистӣ озмун эълон намуда буд.

Озмуни мазкур тибқи қарори Раиси вилояти Суғд аз 7 июни соли 2019, №283 “Дар бораи гузаронидани озмуни вилоятӣ барои беҳтарин маводи журналистӣ таҳти унвони «Хомаи созанда-2019» гузаронида шуда, тибқи муқаррарот қабули маводҳо ба роҳ монда шуд.​

Дар натиҷа, беш аз 50 нафар журналистон дар номинатсияҳои “Масъалаҳои марбут ба рушди сайёҳӣ ва ҳунарҳои мардумӣ”, “Масъалаҳои марбут ба рушди соҳаи саноат”, “Масъалаҳои марбут ба соҳаи кишоварзӣ” ва “Муаррифии минтақаҳои сайёҳӣ ва анъанаҳои мардумӣ тавассути лавҳаҳои телевизионӣ ва фоторепортаж” маводи худро барои баррасӣ пешниҳод намуданд ва ҳайати ҳакамон барандагони озмунро муайян намуданд.​

Сипас, дар вазъияти тантанавӣ аз ҷониби Раиси вилоят ба ғолибони озмун — Амонов Равзалӣ — хабарнигори телевизиони “Тоҷикистон” дар вилоят, Фарҳоди Раҳмат – хабарнигори телевизиони “Тоҷикистон” дар водии Зарафшон, Босолиев Афзал – хабарнигори телевизиони “Азия”, Дадобоева Мавҷуда – муҳаррири Идораи телевизион ва радиои вилояти Суғд, Аҳмадов Рустамбек — хабарнигори телевизиони “Диёр”, ​ Келдиев Муҳаммадназир — хабарнигори телевизиони “Сафина”, Мамадов Маҳмадбердӣ — хабарнигори телевизиони “Ҷаҳоннамо”, ​ Қодиров Субҳиддин – муҳаррири Идораи телевизион ва радиои вилояти Суғд, Муҳидиллозода Мастона – хабарнигори радиои “Тоҷикистон”, ​ Узоқова Мадина – хабарнигори радиои “Суғд”, ​ Юлдошев Каримбой – хабарнигори радиои “Тироз”, Меҳрубон Ҳасанов — хабарнигори радиои “Дунё”, Юсуфӣ Ҷӯра – хабарнигори маҷаллаи “Бонувони Тоҷикистон”, Расулзода Тилав – хабарнигори оҷонсии “Фергана”, Дадобоева Мавзуна – хабарнигори рӯзномаи “Согдийская правда”, Мирзоева Адиба – корманди маҷаллаи “Паёми Суғд”, Махкамова Гулҷаҳон – хабарнигори рӯзномаи “Ҳақиқати Суғд”, Неъматулло Мирсаидов – рӯзноманигори мустақил, Сулаймонова Ойдиной – хабарнигори рӯзномаи “Суғд ҳақиқати” ва дигарон диплому мукофотпулиҳо дар ҳаҷми аз 1500 сомонӣ то 6000 сомонӣ супорида шуд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: