Масъалаҳои муҳим дар Иҷлосия баррасӣ мешаванд

0
300 просмотров

18 апрели соли 2018, соати 8:00 дар шаҳри Хуҷанд Иҷлосияи чордаҳуми Маҷлиси вакилони халқи вилояти Суғд, даъвати панҷум баргузор мегардад.

Дар ин бора қарори Раиси вилоят аз 3 апрели соли 2018, №101  ба тасвиб расид. Ба баррасии иҷлосияи чордаҳуми Маҷлиси вакилони халқи вилояти Суғд, даъвати панҷум масъалаҳои зерин пешниҳод карда мешавад:

— дар бораи тасдиқ намудани ваколати вакилии вакилони навинтихобшудаи Маҷлиси вакилони халқи вилояти Суғд, даъвати панҷум аз ҳавзаҳои интихоботии “Бофанда”, №2, “Ғафурҷон Ортиқов”, №20 ва “Марҳамат”, №43;

— оид ба Фармони Президенти Ҷумҳурии Тоҷикистон аз 13 январи соли 2018, №986 “Дар бораи аз вазифаи Раиси вилояти Суғд озод намудани Абдураҳмон Қодирӣ”;

—  оид ба Фармони Президенти Ҷумҳурии Тоҷикистон аз 13 январи соли 2018, №1035 “Дар бораи Раиси вилояти Суғд таъин намудани Раҷаббой Аҳмадзода”;

— оид ба вазифаҳои мақомоти маҳаллии ҳокимияти давлатӣ ва худидоракунии шаҳраку деҳот дар партави Фармони Президенти Ҷумҳурии Тоҷикистон аз 29 декабри соли 2017, №977 “Дар бораи “Соли рушди сайёҳӣ ва ҳунарҳои мардумӣ” эълон намудани соли 2018” дар вилояти Суғд;

— ҳисоботи вакили Маҷлиси вакилони халқи вилоят аз ҳавзаи интихоботии “Истаравшан”, №32 Бобоева Гулчеҳра Гадоевна оид ба рафти иҷрои ваколати вакилӣ;

— дар бораи ворид намудани тағйиру иловаҳо ба ҳайати комиссияҳои доимии Маҷлиси вакилони халқи вилояти Суғд, даъвати панҷум;

— дар бораи пеш аз муҳлат қатъ намудани ваколати вакилии вакилони Маҷлиси вакилони халқи вилоят дар ҳавзаҳои интихоботии алоҳида;

— дар бораи таъин намудани интихобот ба ивази вакилони хориҷшудаи Маҷлиси вакилони халқи вилоят;

— дар бораи ташкили комиссияи вилоятии интихобот ба Маҷлиси вакилони халқи вилояти Суғд, даъвати панҷум;

— оид ба номгузории объектҳои физикию ҷуғрофӣ;

— дар бораи тасдиқ намудани Низомнома ва ҳайати комиссияи доимии танзими анъана ва ҷашну маросими мақомоти иҷроияи ҳокимияти давлатии вилояти Суғд;

— тасдиқи қарорҳои Раиси вилояти Суғд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

90%-и ситораҳои телевизионӣ андоз намесупоранд

Нусратулло Давлатзода, раиси Кумитаи андози Тоҷикистон аз андозгурезии ситораҳои санъати тоҷик интиқод намуд. Давлатзода имрӯз, 25 январ зимни нишасти матбуотӣ дар Душанбе гуфт, аксари овозхонҳо ...
%d такие блоггеры, как:

Сообщить об опечатке

Текст, который будет отправлен нашим редакторам: