Машварати ҷамъбастии оперативӣ дар вилояти Суғд

0
1 316 просмотров

Мақомоти корҳои дохилии вилояти Суғд бо баргузории машварати ҷамъбастии оперативӣ аз фаъолияти оперативӣ-хизматии соли 2017 натиҷагирӣ намуд. Машварати ҷамъбастӣ таҳти роҳбарии муовини якуми Вазири корҳои дохилӣ генерал-майори милитсия Аламшозода Абдураҳмон Аламшо дар маҷлисгоҳи Раёсати ВКД Ҷумҳурии Тоҷикистон дар вилояти Суғд бо иштироки роҳбарияти Раёсат, сардорони шуъбаҳои Дастгоҳи марказии Раёсат, шуъбаҳои ВКД дар шаҳру ноҳияҳои вилоят, роҳбарони бахшу хадамотҳо ва ҷузъу томҳои Вазорат дар вилоят доир гашт.

Манбаи акс сомонаи расмии mvd.tj

Дар машварати оперативӣ нахуст сардори Раёсати ВКД дар вилояти Суғд генерал-майори милитсия Назарзода Қудратулло Бобо оид ба натиҷаҳои оперативӣ-хизматии мақомоти корҳои дохилии вилоят дар ҳамаи самтҳои хизматӣ маъруза намуд. Милитсияи вилояти Суғд дар самти ошкор ва пешгирии содиршавии ҷиноятҳои вазнин ва махсусан вазнин, мусодираи маводи мухаддир, кам кардани баъзе намудҳои ҷиноят, ошкор намудани кушторҳои солҳои пешин ба натиҷаҳои назаррас ноил гардидааст.  Қабул гардидани “Барномаи вилоятии мубориза бар зидди ҷинояткорӣ барои солҳои 2016 — 2017” ва дар доираи барномаи мазкур пурзур намудани чорабиниҳои хусусияти маърифативу тарбиявӣ дошта ба коҳишёбии сатҳи ҷинояткорӣ мусоидат намуд. Ҷинояткорӣ аз тарафи ноболиғон ва бо иштироки онҳо, шахсони пешсудшуда то 14% поён рафта, ҷиноятҳои вазнин ва махсусан вазнин одамкушӣ, роҳзанӣ, таҷовус ба номус нисбатан кам содир шудааст. Баъди маърузаи таҳлилӣ ва шунидани бурду бохти самтҳои хизматӣ муовини якуми Вазири корҳои дохилӣ Аламшозода А.А. бо такя ба маълумотҳои оморӣ фаъолияти оперативӣ, хизматӣ ва таҳқиқу тафтишотро баррасӣ намуд. Сардорони шуъбаҳои ҳифзи тартиботи ҷамъиятӣ, кофтукови ҷиноятӣ, гардиши ғайриқонунии маводи мухаддир, тафтишот, таҳқиқ, хадамоти пешгирии ҳуқуқвайронкунӣ байни ноболиғон ва ҷавонони Раёсат, сардорони Шуъбаҳои Вазорат дар шаҳру ноҳияҳои вилоят ва дигар ҷузъу томҳои ВКД аз фаъолияти солонаашон ҳисобот доданд.

Манбаи акс сомонаи расмии mvd.tj

Камбудиҳои ҷойдоштаро муовини якуми Вазир мушаххасан таъкид ва оиди боз ҳам беҳтар гардидани фаъолияти оперативӣ-хизматии мақомоти корҳои дохилии вилояти Суғд як қатор дастуру супоришҳои муҳим дод. Фаъолияти мақомоти корҳои дохилии вилоят давоми соли 2017 қаноатбахш арзёбӣ гардида дар хотима барои сафарбар намудани тамоми қувваю воситаҳо баҳри иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон, таъмини амнияту субот дар ҷомеа ва ҳифзу ҳимояи ҳуқуқу озодиҳои шаҳрвандон дастур дода шуд. Гуфта шуд, ки барои расидан ба ин ҳадаф ҳайати шахсиро зарур аст савияи дониш ва маҳорату малакаи касбиро такмил дода, дар иҷрои вазифаҳои хизматӣ ҳамеша омода бошанд. Дар умум дар ҷаласаи ҷамъбастӣ бурду бохти фаъолияти хизматии мақомоти корҳои дохилӣ дар минтақаи Суғд муҳокима гардида, қарорҳои дахлдор қабул карда шуд.

 

Манбаъ: сомонаи расмии mvd.tj (муаллиф Акбар Шарифов, капитани милитсия )

 

Нет комментариев

Также рекомендуем

ПАНОРАМА НЕДЕЛИ

XXX Президент Республики Таджикистан утвердил эмблему  праздника Навруз.Эмблема Навруза может быть использована в качестве символа этого славного древнего праздника при оформлении мест организации праздничных мероприятий, ...