Машварати кории назди Раиси вилояти Суғд

0
244 просмотров

Рӯзи якшанбеи 14 октябр дар толори хурди Мақомоти иҷроияи ҳокимияти давлатии вилоят машварати кории назди Раиси вилоят баргузор гашт ва дар он рафти ҷамъоварии зироатҳои кишоварзӣ мавриди таҳлил қарор гирифт.

Дар машварати корӣ, ки таҳти раёсати Раиси вилоят Раҷаббой Аҳмадзода доир шуд, раисони шаҳру ноҳияҳо, роҳбарони воҳидҳои сохтории мақомоти иҷроияи ҳокимияти давлатии вилоят, масъулини соҳаи кишоварзӣ ва дигарон иштирок доштанд.

Раиси вилоят Раҷаббой Аҳмадзода дар оғози машварат изҳор дошт, ки бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми соҳаҳо, аз ҷумла соҳаи кишоварзӣ сол аз сол рушд ёфта, ҳаҷми истеҳсоли маҳсулот бештар гардида истодааст. Таъкид гардид, ки соли равон майдони кишти пахта ва картошка дар вилоят афзун гардида, имрӯзҳо ҷамъоварии ҳосил идома дорад.

Дар идома муовини Раиси вилоят Ориф Хоҷазода оид ба вазъи соҳаи кишоварзӣ ва ҷараёни ҷамъоварии пахта, инчунин ғуну чини меваву сабзавот ва дигар зироатҳои кишоварзӣ гузориш дод. Иттилоъ дода шуд, ки то санаи 13 октябр пахтакорони вилоят беш аз 80 000 тонна пахта ҷамъоварӣ намудаанд ва ғуну чини ҳосил идома дорад. Ориф Хоҷазода ҳамзамон қайд кард, ки бо назардошти зиёд шудани майдони кишти картошка дар нақша аст, ки имсол дар вилоят 460 000 тонна картошка истеҳсол карда шавад.

Раиси вилоят бо баррасии вазъи кунунии соҳаи кишоварзӣ ва ёдоварӣ аз нақши муҳими соҳа дар таъмини амнияти озуқаворӣ ба масъулин ҷиҳати ҷамъоварии пахта, картошка, хошоки дурушт, анҷом додани кишти тирамоҳӣ, захираи маҳсулоти кишоварзӣ дар сардхонаҳо, таъмини фаъолияти муназзами гармхонаҳо, ташкили ярмарка-фурӯши маҳсулоти кишоварзӣ дар шаҳрҳои саноатӣ супоришҳо дод.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Можно постоянно заказывать бесплатную пиццу

Британец Пол Прайс, работающий консультантом по безопасности, нашел в приложении Domino’s Pizza техническую ошибку, из-за которой пользователи могли заказывать пиццу бесплатно. Он обнаружил, что приложение ...
%d такие блоггеры, как:

Сообщить об опечатке

Текст, который будет отправлен нашим редакторам: