Маслиҳат ба модарони ҷавон

0
439 просмотров

Ин лаҳза бошад мехоҳем дар бораи нӯшобае, ки ба кӯдакони ширмак тавсия дода мешавад маълумот диҳем.

Ҳануз аз қадим беморонро бо қиёми гиёҳҳо муолиҷа мекарданд. Кӯдаконе, ки аз дарди шикамчаашон азият мекашиданд бо оби шибит, яъне укроп муолиҷа мекарданд. Барои ҳамин тухми шибитро хушк карда бо об ҷӯшонида нӯшока тайёр мекарданд. Солҳои 50-уми асри 20 дар Олмон аввалин шуда чойи оромбахшандаи бачагонаро тайёр карданд.

Ҳолатҳое мешавад, ки модарон ба фикр мераванд, оё ба кӯдаки ширмакашон ягон дигар намуди нӯшоба додан лозим аст?

Ба маълумотатон мерасонем, ки ба навзодони ширмак ягон дигар намуди нӯшока, чой, шарбат ва ё об додан лозим нест. Зеро шири модар 88% оби ба кӯдак зарурро медиҳад. Аз ин рӯ, шири модар талаботи кӯдакро ба об таъмин мекунад. Нӯшобаро ба кӯдаконе тавсия мекунанд, ки дар ғизогирии сунъӣ қарор дошта бошанд. Саволи дигаре, ки аксар модарон дучор мешаванд: аз кадом вақт  ба кӯдак ҷой додан лозим аст?

Истеъмоли чой ба кӯдакони  синнашон то 1-солаги умуман манъ аст. Зеро, ки чой дар бадани кӯдак ҷаббиши оҳанро мушкил мегардонад. Ба кӯдак тавсияи табибони бачагона танҳо оби ҷӯшонидашударо тавсия медиҳанд. Хусусан, дар фасли тобистон кӯдак ба нӯшидани об талабот пайдо мекунад. Оби ҷӯшонидашударо байни фосилаи ширмаккони 1-2 қошуқча медиҳанд. Умуман, дар як шабонарӯз кӯдак 50 то 100 миллилитр обро бояд истеъмол кунад. Обе, ки ба кӯдакатон медиҳед, бояд ҳатман навҷӯшонида бошад. Оби ҷӯшонидашударо метавонед нимширин кунед. Аз 3-моҳагӣ ба кӯдакон афшураи меваҷот ва пюреи на он кадар ғафси меваҷотро тавсия медиҳанд. Ҳамчунин нӯшобаи хуч  ё худ шиповникро тавсия медиҳанд, ки он ҳам бо меъёри кам оғоз аз 2-3 қатра аст. Бояд гуфт, ки афшураи олуча анор ва гелос хусусияти сахткунии даруни кӯдакро дорад. Аз ин лиҳоз, афшураи ин меваҳо ба кӯдаконе, ки дарунрав ҳастанд манфиатбахш аст. Ба кӯдаконе, ки шикамашон сахт аст афшӯраи лаблабу ва карамро тавсия медиҳанд. Аз сабаби он, ки дар таркиби ангур қанд зиёд асту дар меъдаи кӯдаки ширмак  туршшавӣ ба амал меояд, ба кӯдакони ширмак истеъмоли афшураи ангур манъ аст. Ҳамчунин, ба кӯдакони ширмак оби сабзи манфиатбахш аст, ки он аз провитамини а-каратин бой аст. Аммо бидонед, ки истеъмоли аз ҳад зиёди оби сабзи ба зардшавии ранги пӯсти кӯдак оварда мерасонад ва боз боиси пайдошавии аллергия ҳам мешавад.

Нет комментариев

Также рекомендуем