Маслиҳатҳои мо оид ба интихоб ва истифодабарии дарзмол

0
644 просмотров

Дар гузашта дарзмол ба монанди як таначӯби дарози дандонадор намуд дошт. Кадбону матоъро ба таначӯби оддӣ печонида, бо таначӯби дандонадор онро такон медод. Аз ҳисоби расидани дандонаҳо матоъ мулоим гашта, то қадри имкон дарзмол мешуд. Дар мобайни асри 18 дарзмолҳое пайдо шуданд, ки дар дохилаш ангишти сӯхтаистода ҷойгир буд. Пораҳои ангишти гарм ба рӯи матоъ фаромада, онро сӯрох мекард. Дертар дарзмолҳои спиртӣ баромаданд. Ба чалакчаи дарзмол спиртро андохта, онро месӯзонданд.  Дар соли 1903 дарзмоли барқии ихтирокори амрикоӣ Эрл Ричард меҳнати кадбонуҳоро осон гардонид. Соли 1905 дарзмоли ихтироъкори мазкур беҳтаргардонида шуда, зиёда аз 100 соли охир инсоният онро истифода мебарад.

Дарзмолҳои муосирро ширкатҳои маълуми ҷаҳонӣ «Сименс, Скарлетт, Витек, Ровента, Кенвуд, Бош» истеҳсол мекунанд. Дарзмоли ширкатҳои мазкур тез гарм шуда, ҳарорати он ба меъёр мутобиқ аст. Таги дарзмолҳо аз маводҳои гуногун тайёр карда мешаванд. Дарзмолҳое, ки тагашон алюминӣ аст,  сабуквазн буда, ботезӣ гарму хунук мешаванд, либосро босифат дарзмол мекунанд. Дарзмолҳо бо таги пӯлодини зангназананда устувор ва боэътимоданд, лек вазни калон доранд. Дарзмолҳо бо таги  керамикӣ  лағжиши хуб доранд. Дарзмолҳои бо  таги  муқобили сӯхт матоъро намесӯзонанд. Интихоби ин ё он намуди дарзмол ба табъи шумо вобаста аст. Дарзмолҳои муосир бо буғдиҳии дастӣ ва автоматикӣ таҷҳизонида шудааст. Агар буғдиҳии автоматикӣ нокифоя бошад, шумо метавонед буғдиҳии дастиро истифода баред. Кисмҳои либосро, ки дарзмолашон душвор аст метавонед бо воситаи буғ коркард намоед. Агар сӯрохиҳои таги дарзмол дар тамоми масоҳати он якхела ҷойгир шуда бошад, пас намидиҳии мунтазам ба амал меояд.

Мутаваҷҷеҳ бошед ба якчанд маслиҳатҳо оид ба тарзи дарзмолкунӣ. Либосҳоро дар тахтаи дармолкунӣ дарзмол кунед. Матоҳои пахтагӣ ба намуди намонам бо дарзмоли гарм, матои пашмиро аз тарафи чаппаш бо воситаи докаи нам, либосҳои идонаро эҳтиёткорона дарзмол намуда, либосҳои синтетикиро беҳтараш  буғ диҳед. Дар вақти дарзмолкунӣ агар ҷилоҳои рахдор намудор гардад, онро бо матопораи нам пок карда, бо буғ коркард намоед, ё ин ки либосро аз тарафи чаппа дарзмол кунед. Чойпӯшҳои хобро  албатта дарзмол кунед, то ки ҳамаи микробҳои зараррасон нест гарданд.

Агар таги дарзмолатон  чиркин гардад, шумо метавонед ба рӯи коғаз намак пошида, онро дарзмоли гарм пахш кунед. Агар дарзмолатон филтр надошта бошад, дар ҳолати истифодабарии буғ карахш пайдо гаштанаш мумкин аст. Ба дарзмол маҳлули оби 9 фоизаи уксусдорро андохта, пас аз 1 соат дарзмолро  даргиронда ба реҷаи буғдиҳии онро санчед. Ба дарзмол доимо  ё оби ҷӯшонидашуда, ё оби тозаи дистилизасия карда шударо андозед. Риоя ба қоидаҳои мазкур мӯҳлати истифодабарии дарзмолатонро  дароз мегардонад.

Ин буд чанд маслиҳатҳои мо оиди интихоб ва истифодабарии дурусти дарзмол.

Нет комментариев

Также рекомендуем

Боздиди сафири ИМА аз шаҳри Исфара

Рӯзи сипаригардида, сафири Иёлоти Муттаҳидаи Амрико дар Ҷумҳурии Тоҷикистон Сюзен Эллиот ба шаҳри Исфара сафари корӣ анҷом дод.  Сароғоз, Сюзен Эллиот ва раиси шаҳри Исфара ...