Маслиҳати сеҳрнок

0
1 365 просмотров
  1. Барои пӯст воситаҳои хонагӣ ниҳоят муфиданд, маҳз ҳамин чизҳо чинҳои чуқургаштаро нобуд месозанд. Усули табобат ниҳоят оддӣ буда, вақти зиёдро талаб намекунад.
  2. Дар рӯйхати мубориза бо ожангҳо дар ҷои аввал витамини самарабахши Е меистад, ки ҳам пиршавии пӯстро пешгирӣ менамояду ҳам чинҳои кӯҳнаро рафъ месозад. Каме витамини равғаннокро пеш аз хоб ба чинҳои рӯятон молед. Натиҷаашро дер мунтазир намешавед.
  3. Равғани зайтун пӯстро ҳамвор сохта, ғизо мебахшад, нарму пок месозад. Беҳуда нест, ки косметологони ҳозира барои омода сохтани малҳаму ниқобҳо ин равғанро ба кор мебаранд. Ҳамарӯза ба пӯст молидани равғани зайтун пӯстро ботароват месозаду чинҳояшро нест мекунад.
  4. Ҳанӯз дар Мисри қадим шарбати сабр (алоэ) машҳур буд. Бо ин шарбат бемориҳои зиёди пӯстро табобат мекарданд. Маҳз ҳамин растаниро то ба имрӯз растании ҷовидона меноманд. Шарбати сабр ҳатто чинҳои чуқуртаринро ҳамвор месозад. Шарбатро ба пӯсти рӯй молида шоҳиди он мешавед, ки пӯст онро дарҳол ҷабида мегирад.
  5. Бобуна – гули манфиатнокест, ки пӯсти рӯйро боэҳтиёт нигоҳубин менамояд. Бо гиёҳоби бобуна ҳанӯз бибиҳоямон пӯсти худро солим нигоҳ медоштанд. Омода намудани он ниҳоят осон аст: як қошуқ гиёҳи бобунаро бо ду истакон об омехта намуда 10 дақиқа ҷӯшонед. Дар ин гиёҳоб сачоқи тозаро тар карда ба рӯятон гузоред. Баъдан рӯятонро шӯста, малҳами ғизобахш (питательный) молед.
  6. Барои табобати чинҳои чуқур арақу лимӯи бо ҳам омехта давои бемисл аст. Дар як истакон арақ як лимӯи калони резаро андохта 10 рӯз нигоҳ доред. Барои ҳамвор сохтани чинҳо докачаеро дар ин маҳлул тар карда ба ҷойҳои чиндори пӯст гузоред. Аз истифодаи ин маҳлул пӯст ҳамвор мешаваду сурохиҳояш танг мегарданд.

Ниқоби ғизобахшро ин тавр омода созед: як қошуқ маҳлули равғанини Е-ро бо як қошуқ равғани ғилофаки какао ва равғани облепиха омехта, ба атрофи чашм ғафс молида, 30 дақиқа нигоҳ дореду баъдан бо обчинак тоза кунед.

Нет комментариев

Также рекомендуем

Қурби расмии асъор барои имрӯз: 18.10.2019

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.6929  сомонӣ; 1 евро – ...
%d такие блоггеры, как:

Сообщить об опечатке

Текст, который будет отправлен нашим редакторам: