Маззаи таомро майнаи сар муайян мекунад на забон

0
524 просмотров

Дар мактаб мо хондаем, ки забон дар ҷое қарор дорад, ки ба маззаву тамъро муайян намудан ҷавобгар мебошанд. Аз қабили шӯрӣ, тундӣ, туршӣ, ширинӣ ва ҳоказо. Олимони амрикоӣ ошкор карданд, ки тамъи ғизоро забон муайян намекардааст. Аз рӯи суханони ин олимон ҳар яке аз якчанд ҳазор торҳои ҳиссиёти забон қодир аст, ки маззаи хӯрокро дарк намояд. Ҳама гап дар майнаи сари инсон будааст.

Тадқиқоти олимони Донишгоҳи Колумбия нишон дод, ки тами ҳақиқии ғизоро забон неву майнаи сар муайян мекардааст. Забон қариб 8 000 намуди таму маззаҳои гуногунро бо ёрии майнаи сар аниқ карда метавонистааст. Ин тадқиқоти олимон дар маҷаллаи шабонаи «Nature» ба нашр расида буд. Навоварии мазкур ақидаи танҳо нӯги забон муайянкунандаи мазза буданашро инкор кард.

Дар натиҷаи тадқиқоти илмӣ ошкор шуда буд, ки дар майнаи сар нейронҳои махсусе мавҷуд будаанд, ки тавассути забон иттилоотро гирифта, чигунагии маззаро муайян мекардаанд. Ҳар як ретсептори мазза то 100 огоҳкунак доштааст. Чи тавре, ки майнаи сар маззаи хӯроки ба даҳон воридшавандаро дарк намояд, ҳамон хел маззаи хӯрок муайян карда мешавад.

Ин тадқиқотро олимон нахустин маротиба дар муш таҷриба кардаанд. Ба муш ғизои моддаи кимиёвии тамъи гуногун доштаро додаанд. Сипас олимон мушоҳида намудаанд, ки чӣ тавр дар нейронҳои алоҳида ранги флуорестсентӣ дар гирифтааст. Мувофиқи суханони олимон, алоқаи байни забон ва майнаи сари инсон хело наздик ва нисбатан беҳамто ба ҳам мутобиқ гардонида шудаанд.

Нет комментариев

Также рекомендуем