Меҳрона Ғайбуллоева аз Тоҷикистон ҳайъати доварони лоиҳи “Ты супер!”-ро тасхир намуд ва чор ҷавоби мусбат (ҳа) гирифту ба даври дигари озмун роҳ ёфт
Меҳрона Ғайбуллоева, духтари 17-сола аз Душанбе, ба даври навбатии озмунии мусиқии “Ты супер!” гузашт. Аз саршавии сурудхонӣ маълум шуд, ки Тоҷикистонро дар ҳақиқат ширкаткунандаи сазовор намояндагӣ мекунад.Меҳрона Ғайбуллоева додаҳои савтии қавиро нишон дода, ҳатто нотаҳои баландтаринро дар композитсияи Полина Гагарина «Фоҷиа дигар нест» (Драмы больше нет) ба осонӣ гирифт. Қайд кардан ба маврид аст, ки аъзоёни ҳакмон дар ин мавсими озмуни «Ты супер !» инҳо буданд : рассоми миллӣ, композитор Игор Крутой, овозхон бо жанри поп, ғолиби озмуни «Eurovision-2016» Сергей Лазарев; овозхони маъруф Юлианна Караулова, инчунин композитор ва эҷодкор Виктор Дроббиш ва Вадим Темников – барандаи озмуни мазкур буд.Аъзоёни ҳакмон — ҳунарнамоии Меҳрона Ғайбуллоеваро гӯш мекарданду бо ризоият ба ҳамдигар менигаристанд.Ҳамин ки Меҳрона ба хондани мисраи аввали нақарот шурӯъ кард, Дробиш ҳамоно тугмаи сабзро пахш намуда, ҳамин тариқ овоз дод, ки духтари тоҷикистонӣ, ба андешаи ӯ, сазовор аст, ки ба даври навбатии озмун гузарад.
«Дар ҳақиқат ба ман бисёр маъқул шуд, ин овозхонии хеле қавӣ буд», — баромади Меҳронаро чунин арзёбӣ кард овозхон Сергей Лазарев.
Вай қайд кард, ки дар ин суруд нотаҳои хеле мураккаб вуҷуд доштанд, вале Меҳрона Ғайбуллоева ҳамаро бисёр дақиқ ва моҳирона иҷро кард.
Овозхон илова намуд, ки Меҳрона бояд зиёд тамрин кунад ва ба устодони худ гӯш диҳад, дар ҳоле, ки вай чунин имконот пайдо кардааст.
«Ба ман бисёр маъқул шуд, ки Шумо чизеро худатон ба ин суруд ворид намудед, Шумо мисраҳои охирро бо табассум хондед, ки ин хеле олӣ буд, ба композитсия мафҳуми хосеро замм менамуд, маънидод дигар мешуд», — гуфт сароянда Юлия Кавалчук. Меҳрона тамоми мухлисони худро барои дастгирияшон сипосгузорӣ кард.
«Алъон ба ман холаам, ки хеле дӯсташ медорам, ва тамоми миллати Тоҷикистон мухлисӣ мекунанд!» — зикр намуд Меҳрона Ғайбуллоева.
Озмуни байналмилалии савтии «Ту беҳтаринӣ!» тавассути канали НТВ ва Оҷонсии байналмилалӣ ва родиюи Sputnik ташкил шудааст ва ба кӯдакони боистеъдод, ки бе сарпарастии волидайн мондаанд, имкон медиҳад, ки аз худ хабар диҳанду саҳнаҳои бузурги оламро тасхир намоянд.
Дар давоми 4 ҳафта даври интихобӣ аз тарафи 82 кӯдаки 13 давлатҳо, ки синнашон аз 8 то 18 буд, баромадҳои худро ба аъзоёни ҳакмон пешкаш карданд. Иштирокчиён аз қисмҳои гуногуни Русия, инчунин аз давлатҳои ИДМ ва Балтия аз Озарбойҷон, Арманистон, Белорус, Қазоқистон, Латвия, Молдова, Тоҷикистон, Ӯзбекистон, Эстония ва Осетияи Ҷанубӣ барои иштирок омодаанд. Аввалин иштирокчиён аз Олмон ва Сурия буданд.
«Мо баромадҳои бисёр фарзандони боистеъдоде дидем, ки сарфи назар аз озмоишҳои сахт, ба ҳайати аъзоёни ҳакмон малакаю маҳорати баландашонро дар даври интихобӣ нишон доданд. Давраи интихобӣ нишон дод, ки сатҳи сурудхонии иштирокчиёни мавсими нави «Ты супер !» аз соли сипаришуда дида, беҳтар шуда истодааст. Аз ин мебарояд,ки озмуни мазкур барои мо эҳсосоти бисёр зебо ва пешрафтҳои аз ҳад зиёд интизор аст» , — гуфт директори гинералии НТВ Тимур Вининштейн
Нет комментариев