Хонаи хоб бисёрии вақт дар ошёнаи дуюм ҷойгир карда мешавад. Дар хонаҳои бисёрҳуҷрагӣ хонаи дуртар хонаи хоб аст. Хонаи хоб инъикосгари табъи соҳибони хона аст. Он метавонад нимахолӣ ва ё пур аз чиз бошад. Зарур он аст, ки хонаи хоб писанди худи соҳиби хона буда, барои истироҳати хуб мусоид бошад. Хонаи хоб то майдатарин ҷузъиёташ бояд ба эътибор гирифта шавад. Аксар хонаи хоб ва хонаи кор якҷоя карда мешавад, ки ин он қадар мувофиқи матлаб нест. Ҳамсоягии кати хоб бо мизи компутерӣ барои саломати зарар дорад. Якҷоясози хонаи хоб ва хонаи фароғатӣ айни муддаост. Каринаи беҳтарин ва замонавӣ – ин якҷоясозии хонаи хоб ва мавзеъи ҷойгирсозии сарулибос мебошад. Паси дарҳо боз як хоначаи мукаммал ҷой мегирад, ки дар токчаҳояш ва овезаҳояш сарулибос ва пойафзолҳо хеле хуб ҷой дода мешаванд. Ба он ворид гашта, метавонед либоси дилхоҳатонро интихоб намоед, ба оина нигариста либосатонро иваз намоед. Мебели замонавӣ барои хонаи хоб имрӯз дар намуди гарнитур мавҷуд аст, ки он дорои кати хоб, ҷевони либос, ҷевончаҳои назди кати хоб бо ғалладон, курсӣ ва оинаи барқад. Чунин муҷаҳҳазот якбора намуди умумии хонаи хобро таъмин месозад. Дар бисёрии толорҳои мебелфурӯшӣ қисмҳои гарнитури хонаи хобро алоҳида-алоҳида харидорӣ намудан мумкин аст. Бинобар он бояд мутобиқи табъи шумо ва олами хаёлоти шумо бошад. Рангубори хонаи хоб бояд оромибахш ва дорои рангҳои садафӣ, кабуди равшан, пуштӣ ва ҳоказо. Чунин рангҳо бо ранги табии чӯб мутобиқат менамоянд. Ба сифати маводҳо барои қисмҳои мебели хонаи хоб аз ДСП, МДФ ва ё ламинат, меламин истифода мекунанд. Агар нархашро ба ҳисоб нагирем, МДФ аз ҳама маводи мустаҳками табиӣ маҳсуб мешавад. Ламинат ва меламин барои рӯйпӯши сунъии дигар маводҳо истифода мешавад. Бо меламин қисмҳое, ки бар он зӯр оварда мешавад, пешбинӣ нагаштааст. Ламинат бошад, ғавс, мустаҳкам ва бадошт бошад.
Нет комментариев