Медали тиллои ҷудочии тоҷик аз Олимпиадаи махсус-2019

0
118 просмотров

Варзишгарони дорои имконияташон маҳдуди тоҷик дар Олимпиадаи махсус-2019 сазовори 6 медал, аз ҷумла 2 медали тилло гардиданд. Бозиҳои махсуси олимпии ҷаҳон 14 март дар шаҳри Абу Дабии Амороти Муттаҳидаи Араб оғоз гардид ва то 21 март идома меёбад. Ба барномаи бозиҳо 24 намуди варзиш ворид гардидааст. Дар бозиҳо беш аз 7500 варзишгар аз 190 давлати дунё иштирок мекунанд. Ҷумҳурии моро дар Бозиҳои махсуси олимпӣ 5 варзишгар аз рӯи ду намуди варзиш намояндагӣ карда, сазовори 6 медал – 2 тилло, 2 нуқра, 2 биринҷӣ гардиданд. Медалҳои тиллоро Сорбон Рашидзода дар намуди ҷудо (вазни -78кг) ва Ҷовидон Абдуллоев дар варзиши сабук (дав ба масофаи 200 метр) сазовор шуданд. Меҳробиддин Ҳафизов дар давидан ба масофаи 200 метр ва Насибахон Маҳмадова дар давидан ба масофаи 25 метр медалҳои нуқраро ба гардан овехтанд. Маҳлиё Шарипова дар дав ба масофаҳои 25 ва 50 метр соҳиби ду медали биринҷӣ шуд. Бозиҳои махсуси олимпӣ аз соли 1968 баргузор мегардад. Бунёдгузораш Юнис Кеннеди Шрайвер – хоҳари собиқ Президенти ШМА Ҷон Кеннеди мебошад.

Манбаъ: ТВ Варзиш

Нет комментариев

Также рекомендуем

Иқдоми “Смартфони ҳаррӯза” аз Tcell

Мехоҳед смартфон бурд намоед?! Пас шитобед! Ширкати Tcell оғози иқдоми «Смартфони ҳаррӯза»-ро эълон менамояд. Аз 27-уми Март то 15-уми Майи соли 2017, Шумо имкони олӣ ...
%d такие блоггеры, как:

Сообщить об опечатке

Текст, который будет отправлен нашим редакторам: