Месси «Барселона»-ро ба даври ½ ниҳоии Лигаи Чемпионҳо бурд

0
364 просмотров

Тули ҳафт мавсими охир Месси дар рақобатҳои даври ¼ ниҳоии Лигаи Чемпионҳо ба задани гол даст намеёфт. Ин ҳамлавари мумтози аргентинӣ маротибаи охир дар даври ¼ ниҳоӣ соли 2013 бар зидди “ПСЖ” гол зада буд. Рақобати ҷавобии даври ¼ ниҳоии Лигаи Чемпионҳо байни бошгоҳҳои “Барселона” ва “Манчестер Юнайтед” дар варзишгоҳи соҳибноми “Камп Ноу” баргузор шуда, бо ҳисоби 3:0 ба суди “нилунориҳо” хатм шуд. Дар ин майдондорӣ голҳои каталониҳоро Месси ва Коутиню дар дақиқаҳои 16-ум, 20-ум ва 61-ум марбути номи хеш намуда, “Барселона”-ро баъд аз чор соли интизорӣ боз ба даври ½ ниҳоии Лигаи Чемпионҳо бурданд. “Девҳои сурх” рақобатро чунон зебо оғоз намуданд, ки ҳанӯз дар нафасҳои аввали дидор ҳамлавари ҷавони меҳмонон Маркус Рэшфорд бо як зарбаи зебояш тири давроази “Барселона” –ро такон дод. Дигар “Барселона” ба ҳуҷумҳои пай дар пайи хеш гузашта, кори рақибашро тамом кард. Алекс Фергюсон, ки аз минбари воломақоми “Барселона” бо чашмҳои хира бозиро тамошо мекард, аз кори кардаи Месси хеле ғамгин буд. Сулшер, ки 20 сол қабл ба ҳайси бозигар дар “Камп Ноу” муъҷиза намуда буд, ин бор ба ҳайси сармураббӣ нақшаҳояшро шогирдони ноуҳдабарояш вайрон намуда, ӯро дилсард намуданд. Акнун “МЮ” бо Лигаи Чемпионҳо видоъ гуфта, барои роҳхати мавсими нави мусобиқаи мазкур мубориза мебарад. Хотиррасон мекунем, ки бозии аввали дастаҳо дар Англия низ бо ҳисоби 1:0 ба нафъи “Барселона” хотима ёфта буд. Ҳамин тариқ аз натиҷаи ду бозӣ “Барселона” бо ҳисоби 4:0 пирӯз шуда, ба даври нимниҳоии ЛЧ роҳ ёфт. Дар даври нимниҳоӣ “нилунориҳо” бо ғолиби ҷуфти “Ливерпул” – “Порту” (2:0 бозии аввал ба фоидаи “Ливерпул”) рӯ ба рӯ мешаванд.

Лигаи Чемпионҳо. Даври ¼ ниҳоӣ

Бозии ҷавобӣ

“Барселона” – “Манчестер Юнайтед” – 2:0 (4:0)

Гоҳо: Месси 16 (1:0), Месси 20 (2:0), Коутиню 61 (3:0).

Бозии аввал 1:0

Манбаъ: Varzish.Tv

Нет комментариев

Также рекомендуем

Мулоқоти Раиси вилояти Суғд бо Ли Шен Жен

24 апрели соли 2019 Раиси вилояти Суғд Раҷаббой Аҳмадзода бо директори генералии ҶДММ “Ширкати куҳӣ-саноатии Тоҷикистону Хитой” Ли Шен Жен мулоқот намуд. Дар оғози мулоқот ...
%d такие блоггеры, как:

Сообщить об опечатке

Текст, который будет отправлен нашим редакторам: