«Модар»-и театри тоҷик 98-сола шуд

0
669 просмотров

Имрӯз Ҳунарпешаи халқии Тоҷикистон, ҳунарманди шинохтаи театру синамои тоҷик, «модари театри тоҷик» Мушаррафа Қосимова 98-сола шуд. Ин ҳунарманди маҳбуб 19 декабри соли 1918 дар Самарқанд таваллуд шудааст. Падари вай Орифҷон Расулиро соли 1924 дар қатори дигар равшанфикрони тоҷик ба пойтахти Тоҷикистон шаҳри Душанбе фиристода буданд. Соли 1930 падари Мушаррафа Қосимова оилаашро аз Самарқанд ба Душанбе овард.
Шавҳари Мушаррафа-апа Ҳунарманди Халқии СССР Муҳаммадҷон Қосимов низ яке аз саромадони театри тоҷик буд.

musharrafa

М. Қосимова аз овони ҷавонӣ дар саҳнаи тоҷик бо намоишҳои театрӣ дар шаҳру деҳаҳои Тоҷикистон ҳунарнамоӣ карда, доимо дар байни мардум буд. Мушаррафа Қосимова дар намоишномаҳои зиёд, аз ҷумла, дар намоишномаҳои «Тӯй», «Зиндагӣ ва муҳаббат», «Модар», «Номаро ман навиштам», «Фармони Кадушоҳ» ва ғайра. Инчунин ин ҳунарпеша дар филмҳои ҳунарии «Нисо», «Дохунда», «Дӯсти ман Наврӯзов», «Ҷавонии Насриддин» ва ғайра нақш бозидааст.
Имрӯз ин зани ҳунарманд соҳиби набераю абераҳои зиёд буда, ҳамеша кӯшиш мекунад онҳоро дар сари як дастархон ҷамъ намояд.

musharrafa-osimova

Ҳарчанд солҳои охир М. Қосимова дар саҳнаи театр ва кино нақш намеофарад, вале доимо аз тариқи рӯзномаву маҷаллаҳо ва телевизион бо хабарҳои дохиливу хориҷи кишвар ошно мегардад. Ба гуфтаи вай имрӯз дӯсти беҳтаринаш рӯзнома мебошад. Ба 98-солагии худ нигоҳ накарда, «модар»-и театри тоҷик пайваста бо намояндагони воситаҳои ахбори омма дар робита буда, ба суолҳои хабарнигорон посух медиҳад.
М. Қосимова аз рӯзгори ба сар бурдааш шукрона дошта, фахр мекунад, ки меҳнати кардааш зоеъ нарафта ва онро қадрдонӣ кардаанд.
Ин зани ҳунарманд ба ҳама насиҳат карда, сирри дарозумриашро дар зиндадилию дӯст доштани зиндагӣ медонад. Ӯ пайваста изҳор мекунад, ки ҳар як шахс бояд зиндагиро дӯст дорад ва ба қадри ҳар нафаси ҳаёт бирасад.

Манбаъ: khovar.tj

 

Нет комментариев

Также рекомендуем

В Таджикистане собрана половина запланированного урожая хлопка

Более 174,8 тыс. тонн хлопка-сырца собрано в Таджикистане с начала хлопкоуборочной кампании. Об этом сообщает министерство сельского хозяйства Таджикистана. По данным источника, собранный урожай составляет ...