Моддаҳои моеъ барои шустани оинаҳо

1
489 просмотров

Ҳамаи мо дар хонаамон оина дорем. Хонаи бе оинаро тасаввур кардан душвор аст. Аз сабаби  чангу ғубор ва  боридани борону барф оинаҳо мунтазам чиркин мешаванд. Ба назари аввал чунин мерасад, ки тоза кардан ё шустани оина кори осон бошад. Лек дар амал ин тавр нест. Оинаро бояд чунон тоза намуд, ки дар асл  будан ё набудани он  маълум набошад.

Баробари нисбати оина сухан рондан ногувор мақоли халқӣ ба хотир мерасад: «Зиндагӣ оинаро мӯҳтоҷи хокистар кунад». Ин тасодуфӣ нест. Дар замони қадим одамон оинаро бо воситаи хокистар тоза мекарданд. Ҳанӯз дар аввали асри ХIХ оинаҳоро бо воситаи бӯри дар об ҳал намудашуда, тоза мекарданд. Дар баъзе мамлакатҳо ба ҷои бӯр крахмалро истифода мебурданд. Аввалин моддаи шӯяндаи кимёвӣ  дар соли 1916 пайдо гаштааст. Ихтирои химики олмонӣ  Фриц Понтерро танҳо дар  соҳаи саноатӣ истифода мебурданд, ки он моддаи заҳролуд ба ҳисоб мерафт. Моддаи шӯяндаро махсус  барои тозакунии оинаҳо дар соли 1933 ба истифода бароварданд. Худи ҳамон сол мафҳуми «кимёи маишӣ» (бытовая химия) пайдо гашт. Дар давоми чанд муддат кадбонуҳо оинаро бо воситаи бӯр, собун ва аммиак тоза менамуданд. Аз сабаби бисёр шудани маводҳои шишагӣ дар ҳаёти  инсоният, дар асри 20 истифодабарии воситаҳои тозакунии зикргардида нокифоя буданд. Дар соли 1936 дар яке аз заводҳои Олмон  маҳлули иборат аз спирт ва моддаҳои органикӣ бароварда шуд, ки назар ба бӯр ва аммиак оинаро беҳтар тоза мекард.

Имрӯзҳо барои шустани оинаҳо, ё моддаҳои моеъ, ё спрейро истифода мебаранд. Дар аввал биёед оид ба моддаҳои моеъ барои шустани оинаҳо сухан ронем.  Моддаҳои моеъ барои шустани оинаҳо, ки мансубият ба ширкатҳои дар ҷаҳон машҳур «Чиртон, Киф, Клинер, Мистер Мускул, Доктор Макс, Бингозил, Хелп»-ро доранд, сифати хуб дошта, ба талаботи стандарти ҷаҳонӣ мувофиқат мекунанд.

Тарзи дурусти интихоби моддаҳои моеъ барои шустани оинаҳоро  медонед?

Пас, гӯш дихед ба маслиҳатҳои мо оид ба интихоби дурусти моддаҳои моеъ барои шустани оинаҳо дар мағозаю бозорҳо. Дар вақти харидорӣ намудан ҳатман ба навиштаҷоти таркиби маҳсулот диққат диҳед. Бояд дар таркиб моддаҳои моеъ об, спирт, эссенцияҳо вуҷуд дошта бошанд. Агар спирти нашатирӣ бошад, боз беҳтар. Чунки спирти нашатирӣ ба оина ҷило дода, ботезӣ чирку чангро тоза мекунад.

Имрӯзҳо дар бозору мағозаҳо на танҳо моддаҳои моеъ барои шустани оинаҳо, балки спрейҳо ҳам ба назар мерасанд. Агар шумо барои шустани оинаҳо спрейро хоҳед, ки интихоб намоед, пас  маҳсулоти ширкатхои дар ҷаҳон машҳур «Мистер Мускул, Клин, Чиртон, Хелп, Актив, Киф» харидорӣ намоед.

Шустани оинаҳо бо воситаи моддаҳои моеъ ё спрейҳо якчанд қоидаҳои худро дорад, ки айни ҳол мехоҳам  шуморо бо онҳо шинос намоям. Моддаи моеъро ба оина молида, бо матоъпора хушк пок кунед. Матоъпора бояд мулоим буда, махсус барои пок кардани оинаҳо истифода бурда шавад. Спрейро аз худ дуртар дар масофаи дасти дарозкардашуда пош диҳед, то ки бухори моддаҳои шӯянда ба саломатиатон зарар наорад. Хангоми шустан оинаҳоро бояд кушода нигоҳ дошт.  Маҳсулоти шишагӣ ба намуди экрани телевизорҳо, токчаҳои шишагӣ, фужеру стаканҳо нисбат ба оинаҳо осонтар тоза карда мешаванд.

Агар имконияти харидорӣ намудани моддаҳои моеъ ё спрейро барои  шустани оина надошта бошед, метавонед ба оби ширгарм камтар спиртро илова намоед.  Бодиққат бошед, оинаҳоро бояд дар рӯзҳои бешамол ва беофтоб пок кунед. Зеро ҳавои гарми офтобӣ сабабгори ботезӣ хушкшавии оина ва дар он пайдо гаштани изҳо мегардад.

Азизон, мехоҳед оинаи хонаатон ва маҳсулоти шишагиатон тамоми фасли сол тозаю озода ва ҷилодор бошанд, пас моддаҳои моеъ ё спрейро барои  шустани оинаҳо харидорӣ намуда, онҳоро  дуруст истифода баред.

 

1 comment

  1. Шокирчон Файзуллоев 4 Январь, 2016 at 11:15 Ответить

    Хамин матохои пахтагин+об кати хело хуб тоза мешавад)))
    Ин чи хел чиркин мекунетон ки бо спирту ппирт тоза микунетон?))

Опубликовать новый комментарий

Также рекомендуем

Мозу самари дарахти ҳиндист

Мозу (ба руссӣ — чернильный орешек) — Ин самари дарахти ҳиндист. Қувваташ то се сол боқӣ мемонад. Мизоҷаш дар дараҷаи якум сард ва дар дувум хушк аст. Вале ...