Модули «Скиапарелли» ба атмосфераи Миррих ворид мешавад

0
62 просмотров

Дастгоҳи кайҳонӣ, ки дар доираи барномаи «Экзо-Марс-2016» ба сайёраи Миррих ирсол карда шуд, дар наздиктарин фурсат ба сайёраи мазкур рафта мерасад. Агар нуқсонҳои техникӣ ба вуҷуд наоянд, тибқи нақшаи пешакӣ дастгоҳи кайҳонӣ рӯзи 19-уми октябр ба нуқтаи муқарраршуда фуруд меояд. Интизор меравад, ки 16-уми октябр модули «Скиапарелли» ба атмосфераи сайёраи Миррих ворид мешавад. Дастгоҳи мазкур аз ҷониби «Росскосмос»-и Россия ва Агентии кайҳонии аврупоӣ «ЕКА» сохта ва ирсол карда шудааст. Роҳбари барномаи парвози дастгоҳи кайҳонӣ дар доираи «Экзо-Марс-2016» аз Агентии кайҳонии аврупоӣ Мишел Девис мегӯяд, ҷудошавии дастгоҳи кайҳонӣ аз модул бояд барвақт ё дер сурат нагирад. Зеро он дар нақшаи фурудоӣ тағйирот ворид карда, эҳтимол оқибатҳои манфӣ ба миён орад. Бояд ҷараёни фурудоии он дақиқ бошад, зеро эҳтимоли бархӯрди дастгоҳи кайҳонӣ дар қисми болоии сайёраи Миррих вуҷуд дорад. «Экзо-Марс-2016» дар таърихи инсоният аввалин барномаи оид ба пайдо кардани ҳаёт дар сайёраи Миррих мебошад. Дастгоҳи кайҳонӣ моҳи марти соли равон ба фазо ирсол гардида буд. Айни ҳод дар сайёраи Миррих ду таҷҳизоти дигари кайҳонӣ «Opportunity» ва «Curiosity» фаъолият дорад. Маълумоте, ки ин ду таҷҳизот ирсол кардаанд, ба олимон имкон дод, ки мавҷуд будани обро дар қисми болоии сайёраи мазкур исбот намоянд. Мавҷуд будани об як тарафи масъала, вале вуҷуд доштани ҳаёт дар ин ҷо ҳанӯз пурра исбот карда нашудааст. Ба иқрори олимон дар атмосфераи он кислород ва метан бояд мавҷуд бошад, ки аз будани ҳаёт дар ин ҷо дарак медиҳад. Аз ин сабаб вазифаи асосии «Экзо-Марс-2016» ин муайян кардани мавҷудияти метан дар атмосфераи Миррих мебошад.

Манбаъ:http://jahonnamo.tj/

Нет комментариев

Также рекомендуем

Ярмаркаи фурӯши ниҳол дар ноҳияи Б.Ғафуров

Дар ҷамоати деҳоти Ёваи ноҳияи Бобоҷон Ғафурови вилояти Суғд  ярмаркаи фурӯши ниҳол, гул ва тухмиҳои кишоварзӣ давом дорад. Дар ярмарка фурўши ниҳолҳо  ниҳолпарварон ҳудуди 75-ҳазор ...