Муҳаммадрафии Кароматуллоҳ соҳиби Шоҳҷоиза гашт

0
383 просмотров

Дар Филармонияи Давлатии ба номи  Акашариф Ҷӯраев шоу барномаи консертии «Оҳанги ҷавонӣ» баргузор гашт.  Барнома мазкур кисмати хотимавии озмуни «Оҳанги ҷавонӣ» буд, ки ҷониби яке аз ҳафтаномаҳои серхонандатарини ҷумҳӯрӣ «Оила» муддати 6 моҳ пеш ба роҳ манда шуда буд. 

Озмуни мазкур ба хотири дастгирии саъаткорони ҷавону бостеъдод дар соли ҷавонон роҳандози шуда буд ва муддати ним сол идома ёфт. ба ин озмун зиёда аз 100 нафар сарояндагони гуногун бо пешниҳоди мухлисон аз сар то сари ҷумҳурӣ шомил карда шуда буданд.  Давоми 6 моҳ аз байни онҳо 20 нафаре, ки райъи нисбатан зиёдтари мухлисонро ба даст оварданд ҳаққи ширкат дар барномаи консертӣ ва гирифтани ҷоизаву дипломро соҳиб шуданд.

Ба ин 20 гона Зулайхо Маҳмадшоева, Ситораи Кароматуллоҳ, Муҳаммадрафии Кароматуллоҳ, Лоиқ Саидов, Сабринаи Мирзо, Бобоҷони  Амонуллоҳ, Сайёди Субҳон, Фотима Машрапова, Исфандиёри Мирзо, Гулбаҳор Шокирова, Фирӯза Ҳафизова, Ромизи Парвиз, Далери Мирзо, Фарзонаи Файз, Фариштаи Фурайдон, Беҳрӯз Зеваров, Наврӯз Давлатов, Абуалии Маликзод, Фарҳод Қодиров, Азиза Карима шомил буданд.  Дар оғози барнома директори генералии ҶДММ «Оила»  Шарифи Ҳамдампур суханронӣ намуда, ғолибонро барои расиданашон ба марҳилаи ниҳоӣ табрик намуд.

Ҳамчунин ҷаноби Ҳамдампур аз сарпарасти куллӣ чорабинии мазкур ширкати «Оби Зулол»  (obizulol.tj) ва бренди он «Арси Кола», аз сарпарастони дигар Бемористони Ибни Сино, ( ibnisino.tj) Клиникаи стаматологии «Евродент»  ( eurodent.tj) ва шарикони иттилоотӣ исзҳори минатдорӣ намуд.

Ғолиби озмуни «Оҳанги ҷавонӣ» ва гирандаи шоҳҷоизаи он Роҳхат ба Дубай фарзанди сазовори ҳунарманди зиндаёди  эстрадаи тоҷик Кароматуллоҳи Қурбон — Муҳаммадрафии Кароматуллоҳ гашт. Муҳаммадрафи бо гирифтани райъи аз ҳама беш, яъне бо кумаки бевоситаи мухлисони содиқ  ғолиб дониста шуд.

Манбаъ: Сомонаи Тоҷикистонтаймс

 

 

Нет комментариев

Также рекомендуем

Асал – давои сад касал

Барои давогӣ неъмати беҳтарин ин асал аст, ки тамъи ширину гуворо дошта, хушбӯй, рангаш сурхтоб ва вазнаш сабук бошад. Агар асал сахт гардад, ин маънои ...