Муҷассамаи зардолу дар Исфара рамзи зардолуҳои шаҳдрези Тоҷикистон аст

0
490 просмотров

Чанде пеш дар маркази шаҳри Исфара, дар пешорӯйи маркази савдои «Пайванд» муҷассамаи зардолу бунёд гардид. Зардолуи мазкур ба хотири он ки манбаи асосии даромади сокинон, омили муҳими фаровонии дастархони мардум ва муаррифгари умдаи мардуми Исфара дар миқёси ҷумҳуриву минтақа ва ҳатто ҷаҳон маҳсуб мешавад, гузошта шуд.

Майдони умумии боғ дар Исфара ба 12 ҳазору 258 гектар баробар аст, ки аз он 10 ҳазору 600 гектарашро боғоти зардолу ташкил медиҳад ва инҷо зиёда аз 21 навъҳои зардолу парвариш карда мешаванд. Зардолуҳои шаҳдрези Исфара аз рўи қанднокӣ дар минтақаи Осиёи Марказӣ босифаттарин ба ҳисоб мераванд.

Сокинони шаҳру деҳоти Исфара рўзгори худро бе парваришу ғунучин ва бастубанди меваи зардолу тасаввур карда наметавонанд ва сарвату неъмати хонаводагиашон маҳз меваи зардолуст. Гузашта аз он чанд соли охир дар шахру деҳоти Исфара 11 корхонаҳои коркард ва басту банди зардолу ба фаъолият пардохтанд, ки маҳсулоти онҳо акнун Исфара ва сокинонашро дар бозори ҷаҳонӣ муаррифӣ хоҳад кард.

Дар 9 моҳи соли 2016 аз Исфара ба хориҷи кишвар 13 ҳазору 267 тонна маҳсулоти кишоварзӣ содирот шудааст, ки аз он беш аз 12 ҳазор тоннаашро меваи хушк ташкил медиҳад. Содирот асосан ба Русия (70%), Қазоқистон ва дигар кишварҳои ИДМ (20%), Аврупо ва Амрико(10%) сурат гирифтааст.

Бо назардошти гуфтаҳои боло пайдоиши муҷассамаи зардолу дар маркази шаҳрро дарк кардан душвор нест.

Баландии муҷассамаи аҷиб дар Исфара 5 метру 70 сантиметр буда, васеъгиаш баробари 4 метр аст. Муаллиф ва бунёдгари ин нигораи нодир ҳунарманди маҳаллӣ Саидxон Муҳаммадиев, ки бо чунин навъи кор қаблан дар Русияву Аморати Муттаҳидаи Араб машғул шудааст, мебошад.

Хадамоти матбуоти
Раиси вилояти Суғд

Нет комментариев

Также рекомендуем

Кушодашавии толори нави «Китобхонаи китобшиносӣ» дар Китобхонаи вилоятии оммавии ба номи Тошхоҷа Асирӣ

Маъмурияти Китобхонаи вилоятии оммавии ба номи Тошхоҷа Асирӣ бо мақсади шиносонидани китобдорон, бавиҷа кормандони шуъбаҳои пурракунӣ ва коркарди адабиёт, маълумотдиҳӣ-библиографии китобхонаҳои шаҳру навоҳии вилояти Суғд ...