Зардолу ва себ — рамзҳои кадом шаҳрҳо мебошанд?

0
711 просмотров

Дар назди маркази савдои «Пайванд»-и шаҳри Исфара муҷассамаи зардолу бунёд гардид. Зардолуи мазкур ба хотири он ки манбаи асосии даромади сокинон, омили муҳими фаровонии дастархони мардум ва муаррифгари умдаи мардуми Исфара дар миқёси ҷумҳуриву минтақа ва ҳатто ҷаҳон маҳсуб мешавад, гузошта шуд.

zardolui-isfara

Баландии муҷассамаи аҷиб дар Исфара 5 метру 70 сантиметр буда, васеъгиаш баробари 4 метр аст. Муаллиф ва бунёдгари ин нигораи нодир ҳунарманди маҳаллӣ Саидxон Муҳаммадиев мебошад, ки бо чунин навъи кор қаблан дар Русияву Аморати Муттаҳидаи Араб машғул шудааст.

Бояд гуфт, ки сокинони шаҳру деҳоти Исфара рўзгори худро бе парваришу ғунучин ва бастубанди меваи зардолу тасаввур карда наметавонанд ва сарвату неъмати хонаводагиашон маҳз меваи зардолуст.

zardolui-isfara-2

Майдони умумии боғ дар Исфара ба 12 ҳазору 258 гектар баробар аст, ки аз он 10 ҳазору 600 гектарашро боғоти зардолу ташкил медиҳад ва инҷо зиёда аз 21 навъи зардолу парвариш карда мешаванд. Зардолуҳои шаҳдрези Исфара аз рўи қанднокӣ дар минтақаи Осиёи Марказӣ босифаттарин ба ҳисоб мераванд.

Дар давоми чанд соли охир дар шахру деҳоти Исфара 11 корхонаи коркард ва басту банди зардолу ба фаъолият пардохтанд, ки маҳсулоти онҳо акнун Исфара ва сокинонашро дар бозори ҷаҳонӣ муаррифӣ хоҳад кард.

Дар 9 моҳи соли 2016 аз Исфара ба хориҷи кишвар 13 ҳазору 267 тонна маҳсулоти кишоварзӣ содирот шудааст, ки аз он беш аз 12 ҳазор тоннаашро меваи хушк ташкил медиҳад. Содирот асосан ба Русия (70%), Қазоқистон ва дигар кишварҳои ИДМ (20%), Аврупо ва Амрико (10%) сурат гирифтааст.

Бо назардошти гуфтаҳои боло пайдоиши муҷассамаи зардолу дар маркази шаҳри Исфараи Тоҷикистонро дарк кардан душвор нест.

Хуб, саволе ба миён меояд, ки мо рамзи кадоме аз шаҳрҳои калонтарини кишварҳои Осиёи Марказиро медонем?

Таваҷҷӯҳ намоед!

almaty-kazakhstan-views-pictures-3

Рамзи шаҳри Алма-Атои Ҷумҳурии Қазоқистон, ки дар гузашта пойтахти ин кишвар буд, “Алма” (Апорт, олма, себ) аст.

Умуман Апорт – ин рамзи воқеии шаҳри Алма-Ато аст. Яке аз брендҳои машҳури Алма-Ато мебошад.

                                                Назаре ба таърих

sebi-alma-ato

Апорт – яке аз навъҳои қадимаи себ маҳсуб мешавад. Дар нахустин хотираҳо гуфта мешавад, ки ҳанӯз дар соли 1175 навъи нави себ парвариш карда шуд, ки дар ҳамон давра “апорт” (ё опорт) номида шуд. Ниҳоли дарахти ин навъи себ ба Шоҳигарии Полша аз шаҳри Портаи Империяи Османск оварда шуда буд. Дар Полша нигоҳубину парвариши ниҳоли ин намуди себ хуб ба роҳ монда шуд ва дере нагузашта паҳн гардид. Вале апорт дар асри XII на танҳо дар Полша, балки дар Украина низ машҳур буд.

Гуфтан мушкил  аст, ки ватани аввалини Апорт куҷост? Вале тасдиқ намудан мумкин аст, ки ин навъи себ дар шароити кӯҳии вилояти Алма-Ато ватани дуюми худро дарёфт. Маҳз бари ҳамин онро Апорти Алма-Ато меноманд. Соли 1865 муҳоҷир аз вилояти Воронеж Е.В.Редко якчанд ниҳоли дарахтони ин намуди себро ба ин вилоят овард. Меваҳои онҳо хеле калон ба даст омаданд – то 400 грамм, зебо ва аз ҳама муҳимаш – бисёр бомазза буданд!

city_center_almaty

Ҳангоми аввали моҳи феврали соли 2016 ба шаҳри Алма-Атои Қазоқистон ҷиҳати иштирок дар семинари панҷрӯза сафар намудан, бовар намоед, дар чанд мавзею макони ин шаҳри азиму зебо рамзи шаҳр – муҷассамаҳои хурду калони себро бо чашми худ дидаам.

Барои тасдиқ чанд аксе, ки худ гирифтаам, пешниҳоди Шумост!

anoc0h6l6ra

Рамзи шаҳри Тошканди Ҷумҳурии Ӯзбекистон, на мева, балки аз олами ҳайвонот – Лаклак (Аист – паррандаи зебо) аст.

aist-toshkand

aist

Вале рамзи шаҳрҳои дигари кишварҳои Осиёи Марказиро, ки аз ҳисоби ягон намуди мева бошад, дарёфт карда натавонистем. 

                                                                                    Исломҷон Бобоев 

 

Нет комментариев

Также рекомендуем

Как стать богатым и счастливым

«Счастье не в деньгах, а в их количестве», — сказал однажды киношный герой. Быть может, и вы хотя бы раз искренне соглашались с этим утверждением. ...