Муҳимияти ташаббусҳои обии Ҷумҳурии Тоҷикистон

0
265 просмотров

Имрӯз, 16-уми марти соли равон дар Кохи матбуоти шаҳри Хуҷанд ба ифтихори Даҳсолаи байналмилалии амал «Об барои рушди устувор»-солҳои 2018-2028 ва Рӯзи умумиҷаҳонии об, ки ҳамасола 22-юми март таҷлил карда мешавад, семинари вилоятӣ баргузор гардид.

Семинар бо ташаббуси Раёсати ҳифзи муҳити зисти вилояти Суғд доир гардида, дар он роҳбарият ва кормандони раёсат, табиатдӯстон, устодону толибилмони бахши табиатшиносӣ ва намояндагони васоити ахбори омма иштирок намуданд.

Нахуст муовини сардори Раёсати ҳифзи муҳити зисти вилоят Равшан Ӯрунов сухан карда, ҳадафи баргузории семинари вилоятиро шарҳ дод.  Қайд гардид, ки қабули пешниҳоди навбатии Президенти Ҷумҳурии Тоҷикистон мӯҳтарам Эмомалӣ Раҳмон аз ҷониби Маҷмааи умумии Созмони Милали Муттаҳид дар бобати эълон намудани Даҳсолаи байналмилалии амал «Об барои рушди устувор»-солҳои 2018-2028 барои Тоҷикистон мояи ифтихори бузург аст.

Сармуаллими кафедраи экология ва ҳифзи табиаи факултети геоэкологияи Донишгоҳи давлатии Хуҷанд ба номи академик Б.Ғафуров Нозимҷон Боисов оид ба таърихи мухтасари ташаббуси Асосгузори сулҳу ваҳдати миллӣ-Пешвои миллат, Президенти мамлакат, мӯҳтарам Эмомалӣ Раҳмон «17 қадам дар роҳи мақсад» маърӯза намуд.

Намояндаи Раёсати беҳдошти замин ва обери вилоят Зарифа Абдуллоева дар мавзӯи «Манбаъҳои асосӣ ва таъминоти оби полезӣ дар вилояти Суғд» баромад кард.

Дотсенти кафедраи маркетинг ва агробизнеси ДДҲБСТ, номзади илмҳои кишоварзӣ Абдураҳим Азимов дар хусуси «Об сарчашмаи зиндагӣ» фикру андешаҳои хешро баён намуд.

Директори генералии Ширкати телевизион, радио ва рекламавии «Тироз» Хуршед Ӯлмасов дар мавзӯи «Сырдаря жемчужина Центральной Азии» маърӯза ва оид ба муаммову мушкилоти дарёи Сир ибрози назар кард.

Зикр гардид, ки Тоҷикистон чун ташабускори даҳслаи нав дар ҳамҷоягӣ дар ҳалли проблемаҳои ҷиддии об мусоидат кардан мехоҳад ва қабул гардидани пешниҳоди Даҳсолаи байналмилалии амал «Об барои рушди устувор»-солҳои 2018-2028, аз ҷониби 193 кишвари аъзои СММ ва корҳои дар доираи он амалигашта метавонанд барои рушди соҳаҳои иҷтимоиву иқтисодии мамлакатҳо манфиати зиёд оваранд.

Медиапортали «Тироз»  

Нет комментариев

Также рекомендуем