Муҳоҷирон ба Тоҷикистон беш аз 2,5 млрд доллар фиристоданд

0
691 просмотров

Ин нишондиҳанда нисбат ба соли 2016 ба миқдори 600 млн доллар зиёдтар аст.

Соли 2017 аз Русия ба кишварҳои узви Иттиҳоди Давлатҳои Мустақил 12 млрд 906 млн доллар маблағ фиристода шуд.

Миёни кишварҳои ИДМ аз Русия маблағҳо аз ҳама бештар ба Ӯзбекистону Тоҷикистон фиристода шуданд, ки мутаносибан дар зианҳои аввал қарор доранд.

Байни кишварҳои Иттиҳод Ӯзбекистон пешсаф аст. Соли гузашта ба ин кишвар тариқи низомҳои интиқоли пул 3 млрд 902 млн доллар маблағ фиристода шудааст.

Давоми соли 2017 аз Русия ба Тоҷикистон беш аз 2,5 млрд доллар интиқол дода шудааст, ки дар муқоиса бо соли пешини 2016 ба миқдори 600 млн доллар зиёдтар аст.

Бино ба маълумоти Бонки марказии Русия, аз рӯи натиҷаҳои соли гузашта маблағи як интиқоли пулӣ ба ҳисоби миёна 98 долларро ташкил додааст.

Сохтори асъории интиқоли маблағ аз Русия ба Тоҷикистон тариқи зайл аст: 83% — рубли русӣ, 16% — доллари ИМА ва 0,1% — евро.

Аз рӯи интиқоли маблағ баъди Ӯзбекистону Тоҷикистон Қирғизистону Арманистон ҷойгиранд, ки соли 2017 ба ин кишварҳо мутаносибан 2 млрд 211 млн ва беш аз 1 млн доллар маблағ равона гардидааст.

Маблағи аз ҳама камтарин ба Туркманистон фиристода шудааст, ки ҳамагӣ ба 2 млн доллар баробар аст.

Манбаъ: Сомонаи АИ «Азия Плюс»

Нет комментариев

Также рекомендуем

7 способов красиво завязать галстук

Это полезно знать не только мужчинам, но и их заботливым женщинам. Умение правильно завязывать галстук — один из самых важных навыков в арсенале настоящего мужчины и заботливой жены. На сегодняшний день существуют десятки способов ...