Муборизаи Меҳрубон барои унвони чемпиони WBC

0
270 просмотров

Набарди 10-раундӣ барои ба даст овардани унвони чемпиони WBC «Youth World Champion» миёни боксчии тоҷик Меҳрубон Сангинов ва Кэмерон Буроуҷси америкоӣ вохӯрии асосии шоми бокси касбӣ эълон шудааст. Ин набард 23-юми сентябр дар шаҳри Монрои Иёлоти Луизианаи ИМА баргузор мешавад. Пеш аз ин, 22-юми июл дар иёлоти Королинаи Шимолӣ дар шаҳри Шарлотт Меҳрубон Сангинов унвони чемпиониро дар намуди WBB (World boxing board) дар набард бо боксчии касбии америкоӣ Стефан Дерстйен ба даст оварда буд. Ин ғалаба ба ӯ имкон дод, ки аввалин боксчии касбӣ аз Тоҷикистон шавад, ки унвони чемпиони  ҷаҳонро соҳиб шудааст.

Ҳоло Меҳрубон Сангинов аз Қазоқистон ба ИМА сафар кардааст ва бино ба иттилои худаш 23-юми сентябр соати 18:00 бо вақти Амрико бо Кэмерон Буроуҷс набард хоҳад кард. «Мехоҳам, ки дар ин набард ғолиб оям ва ба рӯйхати 15 нафари беҳтарини WBC шомил шавам, то барои ба даст овардани камарбандҳои асосӣ мубориза бурда тавонам. Ҳамин тавр, метавонам, ки дар қатори Муҳаммад Алӣ, Майк Тайсон, Меннӣ Пакяо ва Флой Майвезер номи худро дар таърихи бокс сабт кунам»,—арз кардааст Меҳрубон Сангинов.

 

Манбаъ: сомонаи расмии телевизиони «Варзиш»

 

Нет комментариев

Также рекомендуем

Маҷлиси Ҳукумати Ҷумҳурии Тоҷикистон

Дирӯз таҳти раёсати Асосгузори сулҳу ваҳдати миллӣ — Пешвои миллат, Президенти мамлакат, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор ...