Муҳаққиқон дисплейи шаффофро ихтироъ карданд, ки вордисозии сенсориро аз ҳарду ҷониб дастгирӣ мекунад

0
400 просмотров

Муҳаққиқони Институти илм ва технологияҳои пешқадами Корея дисплейи шаффофи ғайримуқаррариро ихтироъ карданд, ки маълумотгирӣ ва воридсозии сенсориро баробар аз ҳарду ҷониб дастгирӣ мекунад.

Таҷҳизот TransWall но дошта, ба ҳарфи Т монанд аст. Дар қисматҳои болиаш ки ду проектор гузошта шудааст, ки  аксҳои ҳархеларо аз ҳарду тарафи экран намоиш медиҳад. Экран аз шишаи органикии дуқабата сохта шудааст, ки байнашон плёнкаи махсуси барои инъикоси маълумот гузоштаанд. Аз паҳлўҳои дисплей бошад, таҷҳизотҳои маълумотдиҳандаи инфрасурх насб шудааст, ки расиши истифодабарандаро ба экран ҳисоб мекунад.

Вақти расиши инсон ба экран таҷҳизотҳои ҳисобкунӣ нуқтаи расиши ангушт ва мавзеи ҳаракати онро ба қайд мегирад. Маълумотҳо аз таҷҳизотҳои ҳисобкунӣ ба компютер ирсол мегардад, ки баъди таҳлил барои баровардани маълумот ба плёнкаи байни қабатҳои шиша сигнал медиҳад. Ба шарофати ин истифодабарандагон метавонанд бо TransWall кор кунанд. Зеро, онҳо иҷрои ин гуна амалро бо экранҳои сенсории муқаррарӣ одат кардаанд.

Дар раванди кор ба шарофати экрани шаффоф ҳарду истифодабаранда тамоми маълумоти ба якдигар инъикосшавандаро дида метавонанд. Ин гуна технология ҳам барои кор бо ҳуҷҷатгузориҳо ва ҳам барои вақтхушӣ-бозиҳои хархела ё мулоқот баробар истифода шуданаш мумкин аст,- иттилоъ медиҳад сомонаи Gizmag.

Таҷҳизоти TransWal-ро ба девор ҳам гузоштан мумкин аст, то ки истифодабарандагон ҳангоми дар ҳуҷраҳои гуногун будан ҳам, аз имконияти дисплей баробар истифода баранд. Қайд кардан зарур аст, ки дар атрофи экран микрофон ва динамика насб шудааст, то ки истифодабарандагон дар  ҷонибҳои гуногуни таҷҳизот шуда тариқи гуфтугу мулоқот карда тавонанд.

 

Сарчашма: http://hi-news.ru/

 

 

 

Нет комментариев

Также рекомендуем

YouTube пешниҳоди таваққуф мекунад

Тафсири тозаи YouTube мобилӣ ба истифодабарандагоне, ки муддатҳои дароз видео тамошо мекунанд, пешниҳод менамояд то аз он дам гиранд. Функсияи «Хотирисан намоии истироҳат» дар тафсири ...