Имрӯз бахшида ба Рӯзи Радио ва кормандони соҳаҳои алоқа дар Мақомоти иҷроияи ҳокимияти давлатии шаҳри Хуҷанд маҷлиси идона бо иштироки роҳбарону кормандони идораи «Тоҷиктелеком» ва «Почтаи тоҷик» дар шаҳри Хуҷанд, ширкатҳои мобилӣ ва роҳбарияти радиоҳои дар маркази вилоят фаъолият дошта баргузор гардид.
Чорабиниро Раиси шаҳри Хуҷанд Шарифзода Шариф Файз ифтитоҳ намуда, доири саҳми кормандони алоқа ва радио дар рушди соҳаҳои мухталифи хоҷагии халқ изҳори назар намуд.
«Пешрафту тараққиёти ҳаёти имрӯза ва рушди соҳаҳои мухталифро бе истифодаи технологияҳои инноватсионии алоқаю иттилоотӣ тасаввур кардан душвор аст. 
Фаъолияти пурсамари 6 ширкати мобилӣ, шабакаи телефони шаҳрӣ намояндагии департа-менти давлатии «Почтаи тоҷик» дар шаҳри Хуҷанд, радиои вилояти Суғд ва 6 радиои маҳаллии мустақил дар шаҳри Хуҷанд бозгӯи он аст, ки дар асри мо алоқа ва радио чун воситаи муҳимтарин иртибот ва иттилоот аҳамияти муҳим дошта, барои мароми мураттаби ҳаёти сокинони мо нақши муассир дорад.
Дар ҳамин замина боиси хурсандист, ки кормандони радио ва соҳаҳои алоқа бо дарки масъулияти баланд дар ҳаёти ҷамъиятию сиёсӣ, иқтисодию иҷтимоӣ ва фарҳангию маънавии мамлакат ва дар раванди пешравиҳои беназир иштироки бевоситаи фаъолона доранд.Дар баробари ин кормандони соҳа дар тарғиб ва амалӣ гаштани сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон саҳми муносиб мегузоранд.”- зикр намуд Шарифзода Шариф Файз.
Ҳамчунин Раиси шаҳри Хуҷанд таъкид намуд, ки имсол барои иштироки фаъолонаи сокинони маркази вилоят корхонаю ташклотҳо дар озмуни оила, маҳалла ва шаҳри беҳтарин, ки ба истиқболи 25 солагии Истиқлолияти давлатии Ҷумҳурии Тоҷикистон эълон гаштааст журналистон ва кормандони воситаи ахбори оммаи шаҳр ҷиҳати тарғиби ғояҳои созандагию бунёдкоронаи ин озмун саҳми арзанда хоҳанд гузошт.
Дар интиҳо барои натиҷаҳои истеҳсолӣ ва ҳамкории судманд Раиси шаҳри Хуҷанд Шарифзода Шариф Файз ба 11 нафар кормандони идораи “Тоҷиктелеком“, “Почтаи тоҷик” ва роҳбарияти радиоиҳои маҳаллӣ ва радиои вилояти Суғд Сипосномаи Раиси шаҳр ва тӯҳфаҳои хотиравӣ супорид.
Дастаҳои “Истиқлол”-и Душанбе ва “Файзканд”-и Восеъ миёни ҳам рақобат мекунанд
Имрӯз бозии мавқуфмондаи марҳилаи ¼-ниҳоии Ҷоми Тоҷикистон-2021 миёни дастаҳои футболи «Истиқлол»-и шаҳри Душанбе ва «Файзканд»-и ноҳияи Восеъ баргузор мегардад. Вохӯрии дастаҳо дар Варзишгоҳи марказии шаҳри Душанбе ...
Нет комментариев