Мулоқоти Раиси вилоят бо дастаи футболи “Хуҷанд”

0
295 просмотров

Рӯзи гузашта Раиси вилояти Суғд Раҷаббой Аҳмадзода бо ҳайати дастаи футболи “Хуҷанд”, роҳбарони мактабҳои варзишӣ ва иншооти  варзишӣ мулоқот намуд.

Дар оғози мулоқот Раиси вилоят аз дастгириҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди соҳаи варзиш ёдовар шуда, доир ба тарбияи ҷавонони лаёқатманд, рушди соҳаи варзиш, махсусан футбол ва тарбияи футболбозони беҳтарин ибрози андеша намуд.

Роҳбари тозаинтихоби клуби футболи “Хуҷанд” Мурод Умаров  бо ёдоварӣ аз дастгириҳои доимӣ таъкид кард, ки дар оянда камбудиҳо ислоҳ карда мешаванд ва даста ба натиҷаҳои назаррас ноил хоҳад шуд.

Сармураббии дастаи футболи “Хуҷанд” Нуъмон Юсуфов низ баён дошт, ки имрӯз барои даста шароитҳои зарурӣ фароҳам оварда шудааст ва дар оянда ҷиҳати беҳтар шудани нишондиҳандаҳо аз имкониятҳои мавҷуда самаранок истифода бурда мешавад.

Дар идомаи мулоқот рамзи нави клуби футболи “Хуҷанд” пешниҳод шуд ва он аз ҷониби Раиси вилоят қабул гардид.

Манбаъ: Хадамоти матбуоти Раиси вилояти Суғд

Нет комментариев

Также рекомендуем