Мулоқоти Раиси вилоят бо раиси Кумитаи имдоди имом Хумайнии ҶИЭ

0
829 просмотров

1 сентябр Раиси вилояти Суғд Абдураҳмон Қодирӣ раиси Кумитаи имдоди имом Хумайнии Ҷумҳурии Исломии Эрон ҷаноби Сайид Парвизи Фатоҳ ва Сафири Фавқулодда ва Мухтори Ҷумҳурии Исломии Эрон  дар Ҷумҳурии  Тоҷикистон Ҳуҷатулло Фағониро ба ҳузур пазируфт.

Дар оғози мулоқот Раиси вилоят меҳмононро ба сарзамини бостонии Суғд хайрамақдам гуфта, аз кумакҳои Кумитаи имдоди имом Хумайнӣ ба қишри ниёзманди ҷомеъа ёдовар шуд ва аз фаъолияти пусамари дафтари суғдии ин Кумита изҳори қаноатмандӣ намуд.

Раиси вилояти Суғд Абдураҳмон Қодирӣ дар рафти мулоқот аз дастовардҳои хоҷагии халқи вилоят ба меҳмонон маълумот дод. Гуфта шуд, ки дар натиҷаи ислоҳоти кишоварзӣ дар вилоят зиёда аз 40 ҳазор хоҷагиҳои деҳқонии инфиродӣ таъсис ёфт ва маҳз ҳамин амал боиси коҳиш ёфтани муҳоҷират ва дигар гаштани муносибати деҳқон ба замин гардид. Имсол натиҷаи ислоҳот аз фаровонии маҳсулот дар бозорҳо эҳсосшаванда аст ва содироти меваҷоту полезиҳо аз вилоят ба хориҷа низ ба маротиб афзун гашт.

Раиси вилоят зикр дошт, ки кишоварзон алҳол барои таъсиси марказҳои техникӣ, тухмипарварӣ ва машваратӣ ниёз доранд ва аз роҳбарияти Кумитаи имдоди имом Хумайнӣ дархост намуд то дар ин ҷода ба кишоварзон кӯмак намояд.

Эҳё кардани меҳнати хонагӣ барои занон ва омӯзонидани касбу ҳунар ба онҳо аз ҳадафҳои дигари мақомоти иҷроия мебошад. Бино ба маълумотҳои оморӣ қисми зиёди занону духтарони тоҷик, хусусан дар деҳот соҳибхоназан ҳастанд ва соҳиби ягон шуғли даромаднок нестанд. Алҳол мақомоти иҷроияи ҳокимияти давлатии вилоят  ҳунарҳои миллиро эҳё намуда, бо ташкили марказҳои таълимӣ занону бонувонро ба омӯзиши ҳунарҳои қолинбофӣ, адрасу атласбофӣ ва сӯзанидӯзӣ фаро гирифта истодааст. То имрӯз дар вилоят зиёда аз 50 марказҳои таълимии атласу адрасбофӣ таъсис дода шудааст ва теъдоди муайяни занону духтарон ба ҳунаромӯзӣ ҷалб шуданд.

Абдураҳмон Қодирӣ бо ёдоварӣ аз фаъолияти густардаи дафтари суғдии Кумитаи имдоди имом Хумайнӣ дар самти ташкили марказҳои ҳунаромӯзӣ аз роҳбарияти ин Кумита даъват ба амал овард, ки ҳамкориҳо боз ҳам густариш дода шаванд.

Раиси Кумитаи имдоди имом Хумайнии Ҷумҳурии Исломии Эрон ҷаноби Сайид Парвизи Фатоҳ дар навбати худ аз пазироии гарму самимӣ изҳори ташаккур намуд ва омодагии ҷонибашро барои вусъати ҳамкориҳо баён дошт. Аз ҷумла таъкид гардид, ки Кумитаи имдоди имом Хумайнӣ хоҳишмандонро барои омӯзиши раванди истеҳсоли таблофаршҳо дар Эрон ба омӯзиш фаро хоҳад гирифт. Ин ниҳоди байналмилалӣ ҳамзамон ба қишри ниёзманди ҷомеа қарзҳои бефоиз медиҳад ва барои таъмини марказҳои таълимӣ-истеҳсолӣ бо мошинаҳои дарздӯзӣ кӯмак мерасонад. Дар ин бора http://sugd.tj/index.php/tj/navid/5244-muloqot хабар медиҳад.

 

Нет комментариев

Также рекомендуем

Можно ли обмануть время?

Можно ли путешествовать во времени? Большинство ученых дают на этот вопрос отрицательный ответ, но согласно Эйнштейну и квантовой теории – вполне. Представьте: вы наблюдаете, как ...

Сообщить об опечатке

Текст, который будет отправлен нашим редакторам: