Мулоқоти судманд дар ноҳияи Бобоҷон Ғафуров

0
498 просмотров

Машварати кории Раиси вилоят Абдураҳмон Қодирӣ  асосан ба масъалаи беҳбуд намудан ба фаъолияти обрасонӣ ба хоҷагиҳои кишоварзӣ ва мардуми минтақа тавассути каналҳои Унҷӣ – 1 ва Унҷӣ – 2 – и Канали калони Фарғона ва Сойи Хоҷа Боқирғон бахшида шуда буд.

—   Абдураҳмон Қодирӣ қайд намуданд, ки беҳтар намудани таъмини оби каналҳо дар Ҷамоатҳои деҳоти Унҷӣ, Ҳайдар Усмонов ва Ғозиён ба беҳдошти ҳолати обёрии наздик 3 ҳазор гектар заминҳои кишоварзии ноҳия ва қитъаҳои замини наздиҳавлигии 8887 хонавода мусоидат менамояд.

Дар рафти машварати корӣ Раиси вилоят изҳори таассуф намуд, ки дар натиҷаи бемасъулиятӣ баъзе ҳудуди каналҳои номбурда имрўз пурра корношоям гардида, аз ҷониби бархе шаҳрвандон худсарона иншооти ғайриқонунӣ сохта шудааст, ки маҷрои обро халалдор месозад. Беобӣ ҳолати экологии ин минтақаро халалдор сохта, баъзе мавзеъ макони сирояти бемориҳо гардидааст.

Абдураҳмон Қодирӣ раисони кумитаи маҳаллаҳо, миробҳо ва масъулини ноҳияро вазифадор намуд, ки дар самти баргузории ҳашарҳои мардумӣ, тозаву озода намудани ҷўйборҳо, пардохти оби истифодашуда ва нерўи барқ тадбирҳои зарурӣ андешанд. Инчунин тибқи дастури Раиси вилоят каналҳои мазкур аз тавозуни хоҷагиҳои кишоварзӣ пурра ба тавозуни Раёсати беҳдошти замин ва обёрии вилоят гузаронида шуда, Ассотсиатсияи минтақавии истифодабарандагони об ташкил ва фаъолияти миробҳо тақвият хоҳанд ёфт. Дар охири машварат ба хотири тақвияти фаъолияти минбаъда ба 6 мироби ин минтақа дучархаҳои нав тақдим гардиданд.

 

Манбаъ: сомонаи расмии МИҲД –и вилояти Суғд

 

Нет комментариев

Также рекомендуем

Вазъи қурби асъор барои имрӯз

Бонки миллии Тоҷикистон (БМТ) имрӯз, 27 март, бо мақсади ҳисобгирии муҳосибӣ ва пардохтҳои гумрукӣ қурби расмии асъори хориҷиро чунин муайян кардааст: 1 доллари ИМА = ...