Мулоқоти Раиси шаҳр бо Сафири давлати Эрон

0
656 просмотров

Раиси шаҳри Хуҷанд Раҷаббой Аҳмадзода бо Сафири Фавқулодда ва Мухтори Ҷумҳурии Исломии Эрон дар Ҷумҳурии Тоҷикистон ҷаноби Доктор Ҳуҷҷатулло Фағонӣ ва Раиси Кумитаи Имдоди Имом Ҳумайнии Ҷумҳурии Исломии Эрон дар Ҷумҳурии Тоҷикистон ҷаноби Сайид Меҳдӣ Ибодӣ мулоқоти корӣ намуд.
Меҳмонон дар доираи чорабиниҳои идона бахшида ба 20 солагии оғози фаъолияти Кумитаи Имдод Ҳумайнӣ дар Ҷумҳурии Тоҷикистон дар вилояти Суғд қарор доранд.
Дар сӯҳбат зикр гардид,ки ҳамкории дуҷонибаи имрӯза баҳри пешрафт ва робитаи ҳасанаи мардуми ҳамзабон мусоид буда, маҳз ибтикор ва саромади ин муносибати дӯстона аз дастуру иқдоми Президенти Ҷумҳурии Тоҷикистон, Ҷаноби Олӣ, мӯхтарам Эмомалӣ Раҳмон маншаъ мегирад. Ҳамзамон сафари корӣ бо роҳбарии Раиси вилояти Суғд Абдураҳмон Қодирӣ таҳкимбахши муносибати минтақаҳои ин ду давлат гардид. Лозим ба қайд аст, ки бо кӯмаки намояндагии Кумитаи Имдоди имом Ҳумайнӣ дар шаҳри Хуҷанд 15 коргоҳи омӯзишӣ дар риштаи тароши сангҳои қимматбаҳо, заргарӣ, дӯзандагӣ, бофандагӣ, сӯзанидӯзӣ, гилембофӣ, кафшергари барқӣ, ва қаннодӣ ва ройгон соҳибкасб намудани беш аз 10 ҳазор ҷавонон, хамчунин ба ҳунар ҷалб намудани беш аз 300 нафар ҷавонони шаҳри Хуҷанд саҳми арзанда дорад.
Дар тӯли фаъолияти ҳаштсолаи худ дар Хуҷанд, ин маркази хайриявӣ барои дастгирии соҳибкории хурд, тиҷорат, кишоварзӣ, роҳандозии коргоҳҳои хурди истеҳсолӣ додани қарзи имтиёзноки бефоиз ба беш аз 500 нафар сокинон ба маблағи 1 миллиону 300 ҳазор сомонӣ аз замони фаъолият ва роҳандозӣ намудани 3 коргоҳи хурди истеҳсолии дӯхти либосҳои мактабӣ, бо 30 ҷойи кории доимӣ кумаки амалии худро расондааст.
Дар мулоқот ҷонибҳо истифодаи бештари имконоти шаҳрҳои Хуҷанд ва Табрезро барои сифатан беҳтар намудани ҳамкорӣ дар самти тиҷорат фарҳанг қайд намуданд.
Сафири Фавқулодда ва Мухтори Ҷумҳурии Исломии Эрон дар Ҷумҳурии Тоҷикистон ҷаноби Доктор Ҳуҷҷатулло Фағонӣ омодагии намояндагиҳои давлати худро барои дар сатҳи баланд баргузор гаштани чорабиниҳои Наврӯзӣ дар маркази вилоят  изҳор намуда, ҳамчунин иттилоъ дод, ки дар идомаи дастгирии соҳибкории хурду миёна аз ҷониби Кумитаи Имдод Ҳумайнӣ ин муассиса иловатан қарзхои бефоизи имтиёзнок ҷудо хоҳад шуд.

Дар ин бора khujand.tj хабар медиҳад.

Нет комментариев

Также рекомендуем

Ҳабибро аз бозиҳо маҳрум намуданд

Комиссияи иёлати Невадаи Амрико Ҳабиб Нурмуҳаммедов ва Конор МакГрегорро барои ҷанҷол ҳангоми муҳориба дар моҳи октябри соли 2018 аз ҳаққи ширкат дар бозиҳо маҳрум кард. ...
%d такие блоггеры, как:

Сообщить об опечатке

Текст, который будет отправлен нашим редакторам: