Дар доираи омодагӣ ба Чемпионати ҷаҳон-2019 дар Перу мунтахаби ҷавонони Тоҷикистон (U-17) барои баргузории ҷамъомадҳои таълимию тамринӣ ба кишвари Туркия сафар кард. Ҷамъомадҳои таълимию тамринӣ мунтахаби ҷавонони Тоҷикистон дар Туркия то санаи 19-уми феврал идома меёбад. Дар доираи ҷамъомади таълимию тамринӣ дар Туркия мунтахаби наврасони то 17 солаи Тоҷикистон се бозии санҷишӣ доир мекунад. Нахуст футболбозони тоҷик 9-уми феврал бо дастаи «Ферентсвароша»-и Венгрия дидор анҷом медиҳанд. Баъдан 13-уми феврал шогирдони Зайниддин Раҳимов бо тими наврасони дастаи «Академиск Болдклуб Гладсаксе»-и Дания вохӯрӣ анҷом медиҳанд. Боз як дидори дигари санҷишӣ дар ин марҳилаи омодагӣ барои наврасони тоҷик дар назар аст. Хотиррасон мекунем, ки ин ҷамъомади таълимию тамринӣ барои мунтахаби наврасони Тоҷикистон ба Чемпионати ҷаҳон-2019, ки аз 5-ум то 27-уми октябр дар Перу баргузор мешавад, ба шумор меравад.
Ҳайати мунтахаби Тоҷикистон (U-17) дар ҷамъомади таълимию тамринӣ Туркия:
Дарвозабонҳо: Муҳриддин Ҳасанов («Парвоз»), Комрон Иброҳимов, Самандар Каримов (ҳарду – «Локомотив-Памир»);
Дифоъгарон: Асадбек Зиёзода («Истаравшан»), Шаҳром Назаров, Шоҳрух Сангов, Ҷонибек Шарипов, Исроил Холов, Меҳробҷон Азимов (ҳама – «Локомотив-Памир»);
Нимҳимоятгарон: Муҳаммадалӣ Азизбоев («Истаравшан»), Иброҳим Зокиров («Регар-ТадАЗ»), Эмомалӣ Аҳмадхон, Нидоёр Забиров, Шарифбек Раҳматов, Шуҳрат Элмуродов, Озодбек Панҷиев, Азизбек Ҳасанов, Амадони Камолов, Ҳамзаҷон Ахтамов (ҳама – «Локомотив-Памир»);
Ҳамлаварон: Сунатулло Исмоилов («Хатлон»), Ислом Зоиров, Рустам Соиров, Парвиз Хоҷиев (ҳама – «Локомотив-Памир»).
Сармураббӣ – Зайниддин Раҳимов.
Бозиҳои санҷишӣ
9 феврал (шанбе)
Мунтахаби ҷавонони Тоҷикистон (U-17) – «Ферентсварош» U-17 (Венгрия)
13 феврал (Чоршанбе)
Мунтахаби ҷавонони Тоҷикистон (U-17) – «Академиск Болдклуб Гладсаксе» U-17 (Дания)
Манбаъ: ТВ Варзиш
Нет комментариев