Дастаи мунтахаби занонаи футболи Тоҷикистон дар мусобиқаи байналмилалӣ “CAFA Women’s Championship 2018”, ки онро Созмони футболи Осиёи Марказӣ дар шаҳри Тошканд доир намудааст, дар даври дуюм аз тими мизбон – Узбекистон — бо ҳисоби 0:11 шикаст хӯрд.
Ин бозӣ 25-уми ноябр дар Варзишгоҳи миллии шаҳри Тошканд доир шуд. Дар бозии дигари даври дуюми мусобиқа рӯзи якшанбе тими Эрон мунтахаби Афғонистонро бо ҳисоби 6:0 мағлуб кард.
Ёдовар мешавем, мунтахаби Тоҷикистон дар нахустин даври ин мусобиқаи байналмилалӣ бар тими Қирғизистон бо ҳисоби 1:0 ғолиб омада буд. Дар ин дидор, ки 23-юми ноябр дар Варзишгоҳи миллии шаҳри Тошканд доир шуд, голи ягонаро капитани мунтахаби Тоҷикистон Мадина Фозилова дар охири бозӣ (дақиқаи 90+3) ба ҳадаф расонд.
Дар ин мусобиқаи байналмилалӣ, ки дар пойтахти Узбекистон то рӯзи 1-уми декабр идома меёбад, дастаҳои мунтахаби занонаи Афғонистон, Қирғизистон, Тоҷикистон, Узбекистон ва Эрон иштирок доранд.
Мусобиқа аз рӯи системи даврӣ дар як давра сурат мегирад. Ғолиб аз рӯи имтиёзҳои ба даст овардааш муайян мешавад. Мунтахаби Тоҷикистон, ки дар даври сеюм истироҳат мекунад, бозии даври чорумро рӯзи панҷшанбеи 29-уми ноябр муқобили тими Эрон анҷом медиҳад.
Мусобиқаи байналмилалии «CAFA Women’s Championship 2018»
Даври 1-ум
23—юми ноябр (ҷумъа)
Тоҷикистон – Қирғизистон — 1:0
Гол: Мадина Фозилова, 90+3.
Узбекистон – Афғонистон – 20:0
Даври 2-юм
25-уми ноябр (якшанбе)
Афғонистон – Эрон – 0:6
Узбекистон – Тоҷикистон – 11:0
Мавқеи дастаҳо дар ҷадвали мусобиқа
| Ҷ | ДАСТАҲО | Б | Ғ | М | Б | Т | И |
| 1 | Узбекистон | 2 | 2 | 0 | 0 | 31-0 | 6 |
| 2 | Эрон | 1 | 1 | 0 | 0 | 6-0 | 3 |
| 3 | Тоҷикистон | 2 | 1 | 0 | 1 | 1—11 | 3 |
| 4 | Қирғизистон | 1 | 0 | 0 | 1 | 0-1 | 0 |
| 5 | Афғонистон | 2 | 0 | 0 | 2 | 0-26 | 0 |
Даври 3-юм
27-уми ноябр (сешанбе)
13:00 – Эрон – Узбекистон
16:00 – Қирғизистон – Афғонистон
Даври 4-ум
29-уми ноябр (панҷшанбе)
13:00 – Қирғизистон – Узбекистон
16:00 – Тоҷикистон – Эрон
Даври 5-ум
1-уми декабр (шанбе)
13:00 – Афғонистон – Тоҷикистон
16:00 – Эрон – Қирғизистон
Эзоҳ: ҳамаи бозиҳо дар Варзишгоҳи миллии Тошканд баргузор мешаванд.
Манбаъ: Сомонаи «Радиои Озодӣ»
Нет комментариев