Мунтахаби футзали Тоҷикистон ба даври ниҳоии Чемпионати Осиё роҳхат гирифт

0
435 просмотров

Дастаҳои мунтахаби футзали Қирғизистону Тоҷикистон ба марҳилаи ниҳоии қаҳрамонии футзали Осиё, ки аз 10 то 21 феврали соли 2016 дар пойтахти Ӯзбекистон – Тошканд барпо мегардад, роҳхат гирифтанд.

Бино ба иттилои сомонаи расмии Кумитаи миллии олимпии ҶТ, соҳибони роҳхатҳо баъди натиҷагирии даври севуми сабқати интихобии қаҳрамонии Осиё-2016 дар минтақаи Марказӣ, ки 16 ноябр дар маҷмааи варзишии «Қасри варзиш»-и шаҳри Хуҷанд баргузор шуд, маълум гаштанд.

Дар бозии аввали даври севуми мусобиқа мунтахаби Афғонистон тими Туркманистонро бо ҳисоби 5:3 шикаст дод. Дар бозии охирини сабқати гурӯҳи «А” мунтахаби Тоҷикистон аз тими Қирғизистон бо ҳисоби 2:3 мағлуб шуд.

Ёдрас мешавем, ки дар ду бозии пешин мунтахаби Тоҷикистон бар тими Афғонистон бо ҳисоби 6:5 ғолиб омада, бозиро бо дастаи Туркманистон бо ҳисоби мусовии 3:3 анҷом дода буд.

Ба ин тартиб, дар гурӯҳи «А” мунтахаби Қирғизистон бо панҷ имтиёз ғолиб шуд. Дастаи Тоҷикистон бо чаҳор имтиёз мақоми дувумро касб намуд. Ҳарду даста соли оянда дар марҳилаи ниҳоии мусобиқаи қитъавӣ иштирок хоҳанд кард.

Вале дастаҳои Афғонистон (бо чаҳор имтиёз ҷойи севум) ва Туркманистон (бо ду имтиёз ҷойи чаҳорум) аз ҳаққи ширкат дар марҳилаи ниҳоӣ маҳрум шуданд. Дар ин бора news.tj хабар медиҳад.

Нет комментариев

Также рекомендуем

Дар вилояти Суғд марҳилаи дуюми амалиёти муштараки махсуси “Нелегал-2015” анҷом ёфт

Ёдовар мешавем, ки мақсад аз ташкил ва гузаронидани ин амалиёти махсус ошкорсозии роҳҳои муҳоҷирати ғайриқонунӣ, ташкилотчиёни он, мубориза бар зидди хариду фурӯши одамон, пурзӯр намудани ...