Муошират дар шабакаҳои иҷтимоӣ умри истифодабарандагонро дароз мекунад, мегӯянд бо боварӣ олимони амрикоӣ аз донишгоҳи Калифорнияи Сан-Диегои ИМА.
Онҳо аз болои ҳаёти 12 миллион истифодабарандаи синну солашон аз 25 то 70 сола назорат бурданд. Чӣ хеле, ки маълум шуд, истифодабарии фаъолонаи шабакаҳои иҷтимоӣ ва мунтазам нигоҳ доштани робита бо дӯстон дар шабака ба истифодабарандагон таъсири мусбӣ мерасонидааст.
«Онлайн-муошират гӯё ба як чизи манфиатор барои солимии инсон табдил ёфтааст. Махсусан агар он бар зарари оффлайн-муошират набошад ва бо он алоқаи зич дошта бошад. «Танҳо дар ҳолатҳои муҳиме, ки истифодабарандагон ҳаёти худро дар онлайн мегузаронаду аз муоширати воқеӣ бо одамон барканоранд, ба камшавии ҳаёти инсон сабаб мешавад», мегӯяд яке аз тадқиқотчиён Уилям Хоббс.
Маълумотҳои асосиро дар бораи истифодабарандагон олимон дар давоми 6-моҳ ҷамъоварӣ кардаанд. Сипас муайян карда шуд, ки истифодабарии мунтазамонаи интернет-манбаҳо ба пастшавии эҳтимоли марги бармаҳал оварда мерасонад, яъне то 12% кам шудааст.
Ин таъсири мусбӣ аз худи муошират тавассути шабакаҳои ҷахонии интернет ба он истифодабарандагоне мутааллиқ аст, ки одатан дорои имконияти баланди молиявӣ мебошанд. Зеро мавҷуд набудани шароити моддӣ бароии бисёрии одамон баҳри дастрас намудани компютер ё смартфон барои муошират дар Facebook имконият намедиҳад.
Зеро ҷоизи диққат аст, ки фармоишгари ин тадқиқот низ маҳз аз худи ҳамин шабакаи иҷтимоӣ буд, хабар медиҳад РИА Новости.
Нет комментариев